Вышэйшая ліга чэмпіянату Беларусі па футболе 2022

Вышэйшая ліга чэмпіянату Беларусі па футболе 2022 Беларусбанк — Чэмпіянат Рэспублікі Беларусь па футболе сярод каманд Вышэйшай лігі
Падрабязнасці чэмпіянату
Час правядзення	18 сакавіка — 12 лістапада
Колькасць удзельнікаў	16
Гарады	13
Стадыёны	16
Прызавыя месцы
Чэмпіён	не вызначаны[заўв 1]
Другое месца	не вызначаны[заўв 2]
Трэцяе месца	БАТЭ (Барысаў)
Дубліруючыя склады	Энергетык-БДУ (Мінск)
Статыстыка чэмпіянату
Наведвальнасць	353 100  (1 471 за гульню)
Згуляна матчаў	240
Забіта галоў	612  (2.55 за гульню)
Бамбардзір(ы)	Бабур Абдыхалікаў (Энергетык-БДУ)  (26 мячоў)
← 2021 2023 →

Вышэйшая ліга чэмпіянату Беларусі па футболе 2022 (32-і Чэмпіянат Рэспублікі Беларусь па футболе сярод каманд Вышэйшай лігі) — чэмпіянат па футболе сярод беларускіх каманд 2022 года.

Лідарства ў турніры ад пачатку захапіў барысаўскі БАТЭ, які атрымаў перамогі ў першых пяці матчах запар, але пазней няўдачы дазволілі наблізіцца канкурэнтам — мінскім «Дынама» і «Энергетыку-БДУ», а неўзабаве і салігорскаму «Шахцёру». Пэўны час каманды змянялі адна адну на першым радку, аднак пазней там замацаваўся салігорскі «Шахцёр», які ўпэўнена правёў фініш турніру і застаўся лідарам табліцы. На другім месцы ўпершыню ў гісторыі апынуўся «Энергетык-БДУ». Бронза дасталася БАТЭ.

Ужо пасля заканчэння сезона, у маі 2023 года, «Шахцёр» і «Энергетык-БДУ» былі пазбаўлёны медалёў чэмпіянату, новыя залаты і срэбраны прызёры засталіся нявызначанымі^[⇨].

Як і ў папярэднім сезоне, у турніры прымаюць удзел 16 каманд, якія гуляюць паміж сабой па два матчы — дома і ў гасцях (усяго па 30 матчаў). Дзве апошнія каманды Вышэйшай лігі 2022 наўпрост пакідаюць турнір, іх месца займаюць дзве найлепшыя каманды Першай лігі, а 14-я каманда Вышэйшай лігі праводзіць два дадатковыя пераходныя матчы з трэцяй камандай Першай лігі за месца ў Вышэйшай лізе на наступны сезон.

Рэгламент турніру ў цэлым не змяніўся ў параўнанні з папярэднім сезонам. Яшчэ ў ліпені 2021 года было вырашана, што ў складзе кожнай каманды на полі мусіць быць мінімум 7 грамадзян Рэспублікі Беларусь (у папярэднім сезоне — 6), з якіх па меншай меры адзін — 2000 года нараджэння і маладзей (у папярэднім сезоне — 1999 года нараджэння і маладзей)^[1].

У сезоне 2022 дзейнічаў верхні ліміт заробкаў для футбалістаў і трэнераў, які быў прыняты ў мінулым годзе^[2], але тады не распаўсюджваўся на ўжо заключаныя кантракты. Перад сезонам 2022 ліміт жа істотна паўплываў на камплектаванне каманд.

16 лютага 2022 года адбылася жараб’ёўка турніру^[3].

Згодна з вынікамі сезона 2021, «Смаргонь» і рэчыцкі «Спадарожнік» (які зняўся з турніру пасля першага круга) страцілі месца ў Вышэйшай лізе, дзяржынскі «Арсенал» і бабруйская «Белшына» выйшлі ў Першай лігі ў Вышэйшую. Мазырская «Славія» перамагла ў стыкавых матчах «Крумкачы» і захавала месца ў Вышэйшай лізе.

4 лютага 2022 года на паседжанні камітэта па клубным ліцэнзаванні 15 клубаў атрымалі ліцэнзію на ўдзел у Вышэйшай лізе ў сезоне 2022 — усе меркаваныя ўдзельнікі, акрамя «Арсенала»^[4]. 15 лютага, пасля атрымання паслабленняў, «Арсенал» таксама атрымаў ліцэнзію^[5].

Аднак, 28 лютага брэсцкі «Рух» у сувязі з увядзеннем заходнімі краінамі санкцый супраць Расіі і пагаршэннем фінансавай сітуацыі адмовіўся ад удзелу ў Вышэйшай лізе і перайшоў у Другую лігу^[6]. АБФФ прапанавала вакантнае месца ў Вышэйшай лізе магілёўскаму «Дняпру», які ў сезоне 2021 заняў пятае месца ў Першай лізе. 1 сакавіка «Дняпро» афіцыйна пацвердзіў свой удзел у Вышэйшай лізе^[7]. 2 сакавіка 2022 года АБФФ прадаставіла «Дняпру» выключэнні па выкананню патрабаванняў ліцэнзавання^[8].

Клубы, якія выйшлі ў Вышэйшую лігу з Першай лігі

• «Арсенал» (Дзяржынск) (1-е месца ў Першай лізе 2021)
• «Белшына» (Бабруйск) (2-е месца ў Першай лізе 2021)
• «Дняпро» (Магілёў) (5-е месца ў Першай лізе 2021, атрыманне месца ў Вышэйшай лізе замест брэсцкага «Руха», які адмовіўся)

Клубы, якія страцілі месца ў Вышэйшай лізе па выніках сезона 2021

• «Рух» (Брэст) (5-е месца ў Вышэйшай лізе 2021, адмова ад удзелу і пераход у Другую лігу)
• «Смаргонь» (15-е месца ў Вышэйшай лізе 2021)
• «Спадарожнік» (Рэчыца) (16-е месца ў Вышэйшай лізе 2021, зняцце з турніру падчас сезона і спыненне існавання)

Тарпеда-БелАЗ

Іслач

Мінск

Нёман

Белшына

БАТЭ

Дынама (Брэст)

Арсенал

Слуцк

Шахцёр

Віцебск

Гомель

Дняпро

Славія

Мінскія клубы:
Дынама Мн
Мінск
Энергетык-БДУ

Геаграфія ўдзельнікаў сезона 2022

Удзельнікі сезона 2022
Клуб	Месца ў сезоне 2021	Горад	Стадыён	Умяшчальнасць
Арсенал	21 Д2	Дзяржынск	«Гарадзея», Гарадзея	1 625
БАТЭ	02	Барысаў	«Барысаў-Арэна»	13 126
Белшына	22 Д2	Бабруйск	«Спартак»	3 700
Віцебск	07	Віцебск	ЦСК «Віцебскі»	8 144
Гомель	04	Гомель	«Цэнтральны»	14 307
Дняпро	25 Д2	Магілёў	«Спартак»	7 350
Дынама Брэст	06	Брэст	«Брэсцкі»ДАСК «Брэсцкі»	10 060
Дынама Мінск	03	Мінск	«Дынама»	22 000
Іслач	10	Мінскі раён	ФК «Мінск», Мінск Гарадскі, Маладзечна	3 000 4 800
Мінск	12	Мінск	ФК «Мінск» «Трактар»	3 000 17 600
Нёман	11	Гродна	«Нёман»ЦСК «Нёман»	8 479
Славія	14	Мазыр	«Юнацтва»	5 133
Слуцк	09	Слуцк	«Гарадскі»	1 896
Тарпеда-БелАЗ	08	Жодзіна	«Тарпеда»	6 524
Шахцёр	01	Салігорск	«Будаўнік»	4 200
Энергетык-БДУ	13	Мінск	«РЦАР-БДУ»РЦАР-БДУ САК «Алімпійскі»	1 500 1 500

Трэнеры і капітаны сезона 2022
Клуб	Галоўны трэнер	Капітан	Адстаўкі трэнераў
Арсенал	Павел Кірыльчык	Дзмітрый Асіпенка
БАТЭ	Кірыл Альшэўскі	Станіслаў Драгун	Аляксандр Міхайлаў (пасля 17-га тура) Сяргей Зяневіч (в. а. у 18—24 турах)
Белшына	Альберт Рыбак	Ілья Васільеў
Віцебск	Сяргей Ясінскі	Арцём Скітоў	Яўген Чарнухін (пасля 17-га тура)
Гомель	Уладзімір Нявінскі	Ігар Кастроў
Дняпро	Яўген Малчан (в. а.)	Дзмітрый Цярэшчанка	Яўген Малчан (пасля 14-га тура) Юрый Лукашоў (пасля 20-га тура)
Дынама (Брэст)	Андрэй Пракапюк	Эдгар Аляхновіч	Сяргей Кавальчук (пасля 9-га тура) Аляксандр Храпкоўскі (в. а. у 10-м туры)
Дынама (Мінск)	Арцём Чалядзінскі	Сяргей Кісляк
Іслач	Арцём Радзькоў	Юрый Казырэнка Дзмітрый Лісаковіч
Мінск	Вадзім Скрыпчанка	Алег Еўдакімаў Антон Шрамчанка
Нёман	Ігар Кавалевіч	Валерый Жукоўскі
Славія	Іван Біёнчык	Яўген Барсукоў	Міхаіл Марціновіч (пасля 26-га тура)
Слуцк	Аляксандр Гурыновіч (в. а.)	Дзяніс Образаў	Аляксандр Бразевіч (пасля 19-га тура)
Тарпеда-БелАЗ	Дзмітрый Молаш	Андрэй Хачатуран
Шахцёр	Міліч Чурчыч (в. а.)	Сяргей Паліцевіч	Іван Біёнчык (пасля 3-га тура) Сяргей Ташуеў (пасля 22-га тура)
Энергетык-БДУ	Павел Раднёнак	Аляксандр Свірэпа

У 32-м чэмпіянаце Беларусі па футболе прымалі ўдзел футбольныя клубы з усіх абласцей краіны.

Рэгіён	Колькасць камандаў	Клубы
Мінская вобласць	6	Арсенал, БАТЭ, Іслач, Слуцк, Тарпеда-БелАЗ, Шахцёр
Мінск	3	Дынама (Мінск), Мінск, Энергетык-БДУ
Гомельская вобласць	2	Гомель, Славія
Магілёўская вобласць	2	Белшына, Дняпро
Брэсцкая вобласць	1	Дынама (Брэст)
Віцебская вобласць	1	Віцебск
Гродзенская вобласць	1	Нёман

Стадыёны сезона 2022
Арсенал (Дзяржынск)	БАТЭ (Барысаў)	Белшына (Бабруйск)	Віцебск	Гомель	Дняпро (Магілёў)
«Гарадзея», Гарадзея	Барысаў-Арэна	«Спартак»	ЦСК «Віцебскі»	«Цэнтральны»	«Спартак»
Умяшчальнасць: 1 625	Умяшчальнасць: 13 400	Умяшчальнасць: 3 700	Умяшчальнасць: 8 144	Умяшчальнасць: 14 307	Умяшчальнасць: 7 350
Дынама (Брэст)	Дынама (Мінск)	Іслач (Мінскі раён) Мінск	Іслач (Мінскі раён)	Мінск	Нёман (Гродна)
ДАСК «Брэсцкі»	«Дынама»	Стадыён ФК «Мінск»	Гарадскі, Маладзечна	«Трактар»	ЦСК «Нёман»
Умяшчальнасць: 10 162	Умяшчальнасць: 22 000	Умяшчальнасць: 3 000	Умяшчальнасць: 4 800	Умяшчальнасць: 17 600	Умяшчальнасць: 8 479
Славія (Мазыр)	Слуцк	Тарпеда-БелАЗ (Жодзіна)	Шахцёр (Салігорск)	Энергетык-БДУ (Мінск)
«Юнацтва»	Гарадскі	«Тарпеда»	«Будаўнік»	РЦАР-БДУ	САК «Алімпійскі»
Умяшчальнасць: 5 133	Умяшчальнасць: 1 886	Умяшчальнасць: 6 524	Умяшчальнасць: 4 200	Умяшчальнасць: 1 500	Умяшчальнасць: 1 500

М	Каманда	Г	В	Н	П	Мячы	±	А	Заўвагі
1	Шахцёр (Салігорск)	30	19	5	6	51 − 16	+35	62[a]	Не дапушчаны да ўдзелу ў еўрапейскіх спаборніцтвах[b]
2	Энергетык-БДУ (Мінск)	30	18	6	6	50 − 27	+23	60
3	БАТЭ (Барысаў)	30	16	11	3	51 − 21	+30	59	1-ы кваліфікацыйны раўнд Лігі чэмпіёнаў 2023/24
4	Дынама (Мінск)	30	16	11	3	50 − 25	+25	59	1-ы кваліфікацыйны раўнд Лігі канферэнцый 2023/24
5	Іслач (Мінскі раён)	30	16	6	8	51 − 33	+18	54	Не дапушчаны да ўдзелу ў еўрапейскіх спаборніцтвах[c]
6	Мінск	30	12	8	10	47 − 43	+4	44
7	Гомель	30	12	7	11	36 − 37	−1	43
8	Тарпеда-БелАЗ (Жодзіна)	30	11	10	9	35 − 32	+3	43	2-і кваліфікацыйны раўнд Лігі канферэнцый 2023/24[d]
9	Нёман (Гродна)	30	9	13	8	39 − 36	+3	40	1-ы кваліфікацыйны раўнд Лігі канферэнцый 2023/24[c]
10	Славія (Мазыр)	30	10	7	13	42 − 46	−4	37
11	Слуцк	30	7	11	12	26 − 41	−15	32
12	Белшына (Бабруйск)	30	6	12	12	36 − 46	−10	27[a]
13	Дынама (Брэст)	30	5	12	13	29 − 43	−14	27
14	Арсенал (Дзяржынск)	30	5	8	17	18 − 42	−24	23	Стыкавыя матчы
15	Віцебск	30	4	10	16	28 − 49	−21	22	Выбыванне ў Першую лігу
16	Дняпро (Магілёў)	30	3	3	24	21 − 73	−52	12

Г — гульні, В — перамогі, Н — нічыі, П — паражэнні, Галы — забітыя і прапушчаныя галы, ± — розніца галоў, А — ачкі

Прыведзены вынікі ўсіх матчаў, згуляных на 12 лістапада 2022
Крыніца: football.by
¹ Каманда, якая гуляе на хатнім стадыёне, паказана ў левым слупку.

Колеры: сіні = перамога гаспадараў; жоўты = нічыя; чырвоны = перамога гасцей.

Па выніках сезона дзяржынскі «Арсенал», які заняў 14-е месца, быў вымушаны бараніць сваё месца ў Вышэйшай лізе ў стыкавых матчах супраць рагачоўскага «Макслайна» (чацвёртае месца ў Першай лізе). Па суме дзвюх сустрэч «Арсенал» страціў месца ў Вышэйшай лізе.

16 лістапада 2022 18:00	Арсенал (Дзяржынск)	3:2 (2:0)	Макслайн (Рагачоў)	Стадыён: «Гарадзея», Гарадзея Гледачоў: 260 Суддзя: Віктар Шымусік (Асіповічы)
	В. Сянько  15' Я. Гулецкі  45' (пен.) Г. Рассадкін  84'	football.by	54'  89' (пен.) Я. Карцоў

20 лістапада 2022 13:00	Макслайн (Рагачоў)	3:1 (1:0)	Арсенал (Дзяржынск)	Стадыён: СДЮШАР-1, Рагачоў Гледачоў: 980 Суддзя: Сяргей Краснікаў (Гродна)
	Я. Карцоў  6' А. Бруй  61' І. Трачынскі  73'	football.by	53' В. Сянько

Бамбардзіры № Ігрок Клуб Галы 1 Бабур Абдыхалікаў Энергетык-БДУ 26 2 Уладзімір Хвашчынскі Мінск 20 3 Іван Бахар Дынама Мінск 11 4 Станіслаў Драгун БАТЭ 10 - Глеб Жэрдзеў Славія 10 - Даніэл Сазах Іслач 10 7 Ілья Васільеў Белшына 9 - Павел Савіцкі Нёман 9 - Максім Скавыш Шахцёр 9 10 Ягор Багамольскі Мінск 8 - Душан Бакіч Дынама Мінск 8 - Валерый Гарбачык Тарпеда-БелАЗ 8 - Аляксандр Макась Гомель 8

Асістэнты № Ігрок Клуб Перадачы 1 Антон Шрамчанка Мінск 12 2 Раман Папарыга Энергетык-БДУ 10 3 Дзяніс Грачыха Дынама Мінск 8 4 Ілья Грышчанка Энергетык-БДУ 7 - Глеб Жэрдзеў Славія 7 - Уладзіслаў Малькевіч БАТЭ 7 7 Бабур Абдыхалікаў Энергетык-БДУ 6 - Міхаіл Гардзяйчук Дынама Брэст 6 - Арцём Гурэнка Белшына 6 - Аляксандр Джыгера Мінск 6 - Іван Дыбанго Іслач 6 - Ігар Іванавіч Шахцёр 6 - Юрый Панця Гомель 6 - Валерый Патароча Славія 6 - Ілья Чарняк Шахцёр 6 - Іслам Часнакоў Белшына 6 - Алімардон Шукураў Нёман 6

Крыніца: Football.By

Узнагароды сезона 2022 былі абвешчаны 28 лістапада 2022 года на цырымоніі «Зорны мяч»^[10][11].

Узнагарода	Лаўрэат
Найлепшая брыгада арбітраў	Віктар Шымусік (Асіповічы), Аляксандр Банцееў (Бабруйск), Юрый Хомчанка (Віцебск)
Найлепшы брамнік	Андрэй Кудравец (БАТЭ)
Найлепшы абаронца	Сяргей Паліцевіч (Шахцёр)
Найлепшы паўабаронца	Ігар Іванавіч (Шахцёр)
Найлепшы бамбардзір	Бабур Абдыхалікаў (Энергетык-БДУ) (26 галоў)
Самы карысны ігрок	Бабур Абдыхалікаў (Энергетык-БДУ) (26 галоў + 6 перадач)
Найлепшы нападнік	Бабур Абдыхалікаў (Энергетык-БДУ)
Найлепшы ігрок	Бабур Абдыхалікаў (Энергетык-БДУ)
Найлепшы трэнер	Арцём Радзькоў (Іслач)

Зборная «А» Амплуа Ігрок Каманда Бр Андрэй Кудравец БАТЭ Аб Даніла Нячаеў БАТЭ Аб Сяргей Паліцевіч Шахцёр Аб Якаў Філіпавіч БАТЭ Аб Абдукадыр Хусанаў Энергетык-БДУ ПА Ігар Іванавіч Шахцёр ПА Дзяніс Грачыха Дынама Мінск ПА Станіслаў Драгун БАТЭ ПА Антон Шрамчанка Мінск Нап Бабур Абдыхалікаў Энергетык-БДУ Нап Уладзімір Хвашчынскі Мінск

Зборная «Б» Амплуа Ігрок Каманда Бр Арцём Макаўчык Энергетык-БДУ Аб Глеб Шаўчэнка Шахцёр Аб Максім Швяцоў Дынама Мінск Аб Аляксей Лаўрык Энергетык-БДУ Аб Нікола Анціч Шахцёр ПА Даніэл Сазах Іслач ПА Аляксандр Свірэпа Энергетык-БДУ ПА Валерый Бачароў БАТЭ ПА Арцём Канцавы Дынама Мінск Нап Максім Скавыш Шахцёр Нап Іван Бахар Дынама Мінск

У студзені 2023 года ў офісе салігорскага «Шахцёра» адбыліся ператрусы, а Следчы камітэт Рэспублікі Беларусь распачаў крымінальную справу па факце спробы подкупу ўдзельнікаў спартыўных спаборніцтваў^[12]. У далейшым высветліўся ўдзел у махінацыях і прадстаўнікоў іншых клубаў у сезоне 2022. Ужо пасля пачатку наступнага сезона, 11 мая 2023 года, на падставе атрыманай ад праваахоўных органаў інфармацыі, Камітэт кантрольна-дысцыплінарны і па этычных пытаннях АБФФ вынес рашэнне, дзе асноўнымі пацярпелымі сталі клубы «Шахцёр», «Энергетык-БДУ» і «Белшына»^[13].

Паводле рашэння, «Шахцёр» быў пазбаўлены чэмпіёнства, а «Энергетык-БДУ» — срэбраных медалёў. Новыя чэмпіён і срэбраны прызёр вызначаны не былі, у выніку гэтыя ўзнагароды засталіся без уладальнікаў^[14]. Быў адменены вынік матча апошняга тура «Шахцёр» — «Белшына» (4:1), абедзвюм камандам было прысуджана тэхнічнае паражэнне (-:-).

Акрамя таго, «Шахцёр», «Энергетык-БДУ» і «Белшына» былі пазбаўлены ачкоў у чэмпіянатах 2023 і 2024 гадоў, атрымалі штрафы. Таксама штрафы і дыскваліфікацыі атрымалі некаторыя ігракі і прадстаўнікі клубаў.

У гэты ж дзень Камітэт па клубным ліцэнзаванні АБФФ адмовіў «Шахцёру» і «Энергетыку-БДУ» ў атрыманні ліцэнзій УЕФА, такім чынам яны былі пазбаўлены і магчымасці ўдзельнічаць у еўрапейскіх спаборніцтвах^[15]. Права на ўдзел у турнірах УЕФА перайшло наступным клубам у табліцы: барысаўскі БАТЭ атрымаў месца ў Лізе чэмпіёнаў, і мінскае «Дынама» і «Іслач» з Мінскага раёна — у Лізе канферэнцый^[16] (пазней, аднак, «Іслач» не была дапушчана з боку УЕФА, яе месца заняў гродзенскі «Нёман»).

1 чэрвеня 2023 года Апеляцыйны камітэт АБФФ разглядзеў апеляцыі клубаў і ігракоў на рашэнні і ўсе іх пакінуў у сіле^[17].

• на сайце football.by