Арсеній Ільіч Ярэй

Арсеній Ільіч Ярэй
Міністр харчовай прамысловасці БССР 1965 — 1980
Кіраўнік урада	Ціхан Кісялёў Аляксандр Аксёнаў
Папярэднік	пасада заснаваная
Пераемнік	Іна Стаўроўская
Нараджэнне	15 студзеня 1920(1920-01-15) Нароўля, Рэчыцкі павет, Гомельская губерня, РСФСР
Смерць	невядома
Партыя	КПСС
Адукацыя	БПІ (1947)
Ваенная служба
Гады службы	1942—1945
Званне	падпалкоўнік
Узнагароды

Арсе́ній Ільі́ч Ярэ́й (15 студзеня 1920, Нароўля, Гомельская губерня, РСФСР — пасля 1985) — беларускі савецкі гаспадарчы і палітычны дзеяч.

У 1937 годзе скончыў школу ў Нароўлі^[1], разам з Даніілам Казіміравічам Градзіцкім^[1] — сынам Казіміра Францавіча Градзіцкага (1891—1959).

У Вялікую Айчынную вайну з 17 студзеня 1942 года на Паўночна-Заходнім фронце. Падпалкоўнік (1945).

Скончыў Беларускі політэхнічны інстытут (1947).

З 1947 года галоўны інжынер Ашмянскага дражджавога, пасля Аршанскага і Гомельскага півавараных заводаў. У 1955—1959 гадах інструктар, намесніка загадчыка, у 1962—1965 загадчык аддзела ЦК КПБ. У 1959—1962 гадах сакратар Віцебскага абкама КПБ.

З 1965 па 1980 гады — міністр харчовай прамысловасці Беларускай ССР.

Член ЦК КПБ (1966—1976), абіраўся дэпутатам Вярхоўнага Савета БССР 6—8-га скліканняў.

• Медаль «За перамогу над Германіяй у Вялікай Айчыннай вайне 1941—1945 гг.» (1945)
• Ордэн Айчыннай вайны I ступені (06.04.1985), юбілейны
• Ордэн Працоўнага Чырвонага Сцяга
• Ордэн Кастрычніцкай Рэвалюцыі

• Ярэй Арсен Ільіч // Беларуская Савецкая Энцыклапедыя. У 12 т. Т. 11. Футбол — Яя; Дадатак / Рэдкал.: П. У. Броўка (гал. рэд.) і інш. — Мн.: БелСЭ, 1974. — С. 564. — 656 с.: іл., карты.

• Арсений Ильич Ерей (1) // Память народа — электронный банк документов периода Великой Отечественной войны
• Арсений Ильич Ерей (2) // Память народа — электронный банк документов периода Великой Отечественной войны