Астрадынаміка

Астрадынаміка — падзел нябеснай механікі, які вывучае рух штучных касмічных тэл: штучных спадарожнікаў, міжпланетных станцый і іншых касмічных караблёў. У сферу задач астрадынамікі ўваходзяць разлік арбіт касмічных караблёў, вызначэнне параметраў іх запуску, вылічэнне змен арбіт у выніку манеўраў, планаванне гравітацыйных манеўраў і іншыя практычныя задачы. Вынікі астрадынамікі выкарыстоўваюцца пры планаванні і правядзенні любых касмічных місій. Астрадынаміка вылучаецца з нябеснай механікі, якая вывучае ў першую чаргу рух натуральных касмічных тэл пад дзеяннем сіл прыцягнення, сваёй арыентаванасцю на вырашэнне прыкладных задач кіравання касмічнымі караблямі. У сувязі з гэтым у астрадынаміке патрабуецца ўлічваць і фактары, ігнаруемыя класічнай нябеснай механікай - уплыў атмасферы і магнітнага поля Зямлі, гравітацыйных анамалій, ціску сонечнага выпраменьвання і іншыя.

• Астрадынаміка — артыкул з Вялікай савецкай энцыклапедыі