Астраўшчына

Вёска Астраўшчына Краіна Беларусь Вобласць Магілёўская Раён Магілёўскі Сельсавет Семукацкі Каардынаты 53°44′08″ пн. ш. 29°55′26″ у. д.HGЯO Насельніцтва 6 чал. (2009) Часавы пояс UTC+3 Тэлефонны код +375 222 Паштовыя індэксы 213153 Аўтамабільны код 6 СААТА 7244848096 Астраўшчына на карце Беларусі ±

Астраўшчы́на^[1] (трансліт.: Astraŭščyna, руск.: Островщина) — вёска ў Магілёўскім раёне Магілёўскай вобласці. Уваходзіць у склад Семукацкага сельсавета. Размешчана за 43 км на паўднёвы захад ад Магілёва, за 2 км ад чыгуначнай станцыі Семукачы на лініі Магілёў—Асіповічы. Рэльеф раўнінны, на поўнач мяжуе з лесам. На поўдні цячэ р. Арлянка (прыток р. Друць). Транспартныя сувязі па мясцовай дарозе праз в. Кучын і далей па шашы Магілёў—Бабруйск.

Заснавана ў пачатку 1920-х гг. перасяленцамі з суседніх вёсак. З 20 жніўня 1924 года ў Коцінскім, з 21 жніўня 1925 года ў Хонаўскім сельсаветах Магілёўскага раёна Магілёўскай акругі (да 26 ліпеня 1930), з 20 лютага 1938 года ў Магілёўскай вобласці.

У 1930 годзе арганізаваны калгас «Чырвоны барацьбіт».

У Вялікую Айчынную вайну з ліпеня 1941 года да 27 чэрвеня 1944 года акупіравана нямецка-фашысцкімі захопнікамі. З 26 чэрвеня 1954 года ў Гарадзішчанскім, з 22 ліпеня 1965 года ў Семукацкім сельсаветах. У 1990 годзе ў складзе саўгаса «Колас» (цэнтр — в. Семукачы). Размяшчаліся вытворчая брыгада і свінагадоўчая ферма.

Планіровачна складаецца з просталінейнай вуліцы, арыентаванай з паўднёвага захаду на паўночны ўсход і забудаванай двухбакова драўлянымі дамамі сядзібнага тыпу.

• XX стагоддзе:
  • 1926 — 25 двароў, 137 жыхароў.
  • 1990 — 26 гаспадарак, 39 жыхароў.
• XXI стагоддзе:
  • 2007 — 6 гаспадарак, 10 жыхароў.

• Астраўшчына // Гарады і вёскі Беларусі: Энцыклапедыя. Т. 6, кн. 2. Магілёўская вобласць / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2009. — 592 с.: іл. — 2 000 экз. — ISBN 978-985-11-0440-2.

• На Вікісховішчы пакуль няма медыяфайлаў па тэме, але Вы можаце загрузіць іх