Будынак Мінгарвыканкама

Славутасць
Будынак Мінгарвыканкама
53°53′43″ пн. ш. 27°32′57″ у. д.HGЯO
Краіна	Беларусь
Горад	Мінск
Архітэктурны стыль	мадэрнізм
Архітэктар	Сяргей Сцяпанавіч Мусінскі, Георгій Васільевіч Сысоеў
Дата заснавання	1964
Будаўніцтва	1963—1964 гады
Статус	Гісторыка-культурная каштоўнасць Беларусі, шыфр 713Г000158шыфр 713Г000158
Медыяфайлы на Вікісховішчы

Будынак Мінгарвыканкама (Выканаўчага камітэта Мінскага гарадскога Савета народных дэпутатаў) — адміністрацыйны будынак, размешчаны на плошчы Незалежнасці (праспект Незалежнасці, 8).

У наш час праведзены капітальны рамонт з мадэрнізацыяй будынка (архітэктар І. А. Скарабагатая, галоўны канструктар Л. Дзенісеня)^[1].

Пяціпавярховы прамавугольны ў плане будынак быў пабудаваны ў 1963—1964 гг. па праекце архітэктараў С. С. Мусінскага і Г. В. Сысоева. Фарміруе паўднёва-ўсходні бок забудовы плошчы. Лапаткі на ўсю вышыню будынка, тры цэнтральныя і па адной па баках, ствараюць мерны рытм на фасадзе. Плоскасці паміж лапаткамі акцэнтаваны рэбрамі, якімі адначасова вылучаны галоўны і бакавыя ўваходы. Вертыкальныя чляненні гарманізуюць з кампазіцыйным ладам Дома ўрада, інжынернага корпуса Мінскага метрапалітэна і галоўнага навучальнага корпуса БДУ.

Памяшканні размешчаны ўздоўж калідора, які адыходзіць у два бакі ад лесвічна-ліфтавога хола ў цэнтры. На чацвёртым паверсе двухсветлавая зала паседжанняў (450 кв. м) з фае-выстаўкай.

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 713Г000158

• Будынак Выканаўчага камітэта Мінскага гарадскога Савета народных дэпутатаў (Мінгарвыканкам) Архівавана 4 кастрычніка 2013.
• Будынак Мінгарвыканкама на сайце «Архіварта»