Бэстла (міфалогія)

Бэстла (стар.-сканд.: Bestla) — у скандынаўскай міфалогіі волатка з роду ётунаў, дачка Бёльторна. Выйшла замуж за Бора, сына Буры. Вядомая тым, што з’яўляецца маці Одзіна і яго братоў Вілі і Вэ («Старэйшая Эда»). Лічыцца, што яна маці ўсіх асаў.

Імя волаткі старажытнае.^[2] Яно паходзіць з фрызскай мовы ад слова bóst «жонка». У гэтым выпадку імя Буры разумеецца як «бацька», «прабацька», а Бор як «сын», жонкай якога была Бэстла.^[3] Па іншай версіі ад прагерманскага слова *bastilón «што дае кару» праз старажытнаскандынаўскае слова bastr «луб» і bestisíma «лыка» імя звязваецца з міфам аб паходжанні свету ад дрэва.^[3] Магчыма, Бэстла — луб дрэва Ігдрасіль, на якім Одзін перарадзіўся, прынёсшы самога сябе ў ахвяру сваёй дзідай Гунгнір, як распавядае паэма Прамовы Высокага.^[4]

• Эда. Песні пра багоў Архівавана 22 кастрычніка 2022. / уклад., пер. са старажытнаісл., камент. Яўгена Папакуля. — Мінск : Галіяфы, 2021.
• Эда. Песні пра герояў / уклад., пер. са старажытнаісл., камент. Яўгена Папакуля. — Мінск : Тэхналогія, 2022.
• Эда Сноры Стурлусана Архівавана 3 кастрычніка 2021. / уклад., пер. са старажытнаісл., камент. Яўгена Папакуля. — Мінск : Галіяфы, 2021.
• Эда. Забытыя песні Архівавана 24 сакавіка 2025. / уклад., пер. са старажытнаісл., камент. Яўгена Папакуля. — Мінск : Тэхналогія, 2023.

• Lindow, John (2001), Norse Mythology: A Guide to the Gods, Heroes, Rituals, and Beliefs, Oxford University Press. ISBN 978-0-19-515382-8
• McKinnell, John (2014), Essays on Eddic Poetry, University of Toronto Press. ISBN 978-1-4426-1588-5
• Simek, Rudolf (2007), Dictionary of Northern Mythology, DS Brewer. ISBN 978-0-85991-513-7