Валянцін Аркадзевіч Астаповіч

Валянцін Аркадзевіч Астаповіч (10 снежня 1932, Менск — 1993) — беларускі архітэктар.

Нарадзіўся ў сям’і беларускага графіка Аркадзя Антонавіча Астаповіча (1896—1941)^[1].

Скончыў у 1958 годзе Беларускі політэхнічны інстытут. Працаваў у Белдзіпрасельбудзе, галоўным архітэктарам доследна-канструктарскага бюро Мінгандальмантажу БССР, у 1963—1977 гадах — кіраўніком групы архітэктараў, галоўным архітэктарам праектаў у Белдзяржпраекце^[2].

Член Саюза архітэктараў СССР з 1963 года. Пражываў у г. Жодзіна Мінскай вобласці.

Аўтар праектаў (у аўтарскім калектыве) гасцініцы «Магілёў», Дом спорту, забудова праспекта Пушкіна, Шміта (1963—1975)^[2], палаца культуры і тэхнікі вытворчага аб’яднання «Хімвалакно» (1977; сааўтары Я. Смальгоўскі, В. Ладыгіна)^[3] у Магілёве; гасцініцы «Інтурыст» у Брэсце (1965—1975)^[2]; серыі 88^[4] тыпавых праектаў 5- і 9-павярховых жылых дамоў^[2], блок-секцый^[4] і інтэрнатаў (1975-79)^[2], эксперыментальных дамоў серыі 88 Гродзенскай лініі^[4].

• Астапович Валентин Аркадьевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
• Астапович Валентин Аркадьевич // Белорусский государственный проектный институт «Белгоспроект» : [1933―1983] / Государственный комитет по строительству и архитектуре Совета Министров Белорусской ССР (Госстрой БССР) ; [составители: Г. И. Лиопо и др.]. — Минск: Полымя, 1983. — 142 с. — 2 500 экз.