Верамееўка

Верамееўка
Краіна	Беларусь
Вобласць	Віцебская
Раён	Гарадоцкі
Сельсавет	Першамайскі
Каардынаты	55°29′00″ пн. ш. 29°57′52″ у. д.HGЯO
Насельніцтва	▲615 чал. (2009);
Часавы пояс	UTC+3
Тэлефонны код	+375 2139
Аўтамабільны код	2
СААТА	2218874036

Вераме́еўка^[1] (трансліт.: Vieramiejeŭka, руск.: Веремеевка) — аграгарадок (да 2006 года вёска) у Гарадоцкім раёне Віцебскай вобласці. Уваходзіць у склад Першамайскага сельсавета, на рацэ Гаражанка, за 1 км на поўнач ад Гарадка, за 2 км ад чыгуначнай станцыі Гарадок, за 40 км ад Віцебска, на шашы Гарадок — Віцебск.

Гісторыя

У сакавіку 1924 года вернута ў склад БССР. З 20 жніўня 1924 года ў Паташнянскім, 9 кастрычніка 1929 года ў Першамайскім сельсаветах Гарадоцкага раёна Віцебскай акругі (да 26 ліпеня 1930 года). Дзейнічаў калгас імя Крупскай. З 20 лютага 1938 года ў Віцебскай вобласці. У Другую сусветную вайну з фронту не вярнуліся 6 жыхароў. У 1970 годзе ў калгасе імя Мічурына, у 2000 годзе цэнтр гэтага калгаса. У 2012 годзе была ў складзе ААТ «Гарадоцкі райаграпрамзнаб».

Насельніцтва

303 жыхары (1959)
277 жыхароў (1970)
161 гаспадарка, 369 жыхароў (2000)
325 гаспадаркі, 833 жыхары (2018)

Інфраструктура

Дом культуры і бібліятэка. Урачэбная амбулаторыя агульнай практыкі, магазін, комплексны прыёмны пункт.

Вядомыя ўраджэнцы і жыхары

Вадзім Іванавіч Осіпаў, беларускі мастак.

Крыніцы

↑ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).