Верына (вёска)

Верына
Краіна	Беларусь
Вобласць	Віцебская
Раён	Гарадоцкі
Сельсавет	Даўгапольскі
Каардынаты	55°35′51″ пн. ш. 29°43′03″ у. д.HGЯO
Насельніцтва	▼4 чал. (2009);
Часавы пояс	UTC+3
Тэлефонны код	+375 2139
Аўтамабільны код	2
СААТА	2218838016

Ве́рына^[1] (трансліт.: Vieryna, руск.: Верино) — вёска ў Гарадоцкім раёне Віцебскай вобласці. Уваходзіць у склад Даўгапольскага сельсавета. Вёска знаходзіцца каля возера Верына. Аўтамабільнай дарогай злучаецца з аграгарадком Селішча і вёскай Кісялі. За 65 км ад Віцебска. Рэльеф раўнінны.

Гісторыя

У 2-й палове 18 стагоддзі вёска Сілімонава ў маёнтку Азаркава ў Гарадоцкім павеце Полацкай губерні, уласнасць Віленскіх ксяндзоў-піяраў, якім маёнтак быў падараваны «для пражывання» князем, генералам-фельдмаршалам Рыгорам Пацёмкіным. З 1802 года ў Віцебскай губерні. У 1842 годзе было 14 дзесяцін ворыва, 14 — лугоў. У сакавіку 1924 года вернута ў склад БССР. З 20 жніўня 1924 года ў Селішчанскім сельсавеце Гарадоцкага раёна Віцебскай акругі (да 26 ліпеня 1930 года). З 20 лютага 1938 года ў Віцебскай вобласці. У Другую сусветную вайну з фронту не вярнуліся 4 жыхары. У 1997 годзе ўваходзіла ў склад калгаса «Чырвоны Кастрычнік». У 2012 годзе ў складзе ААТ «Гарадоцкі райаграпрамзаб».

Насельніцтва

8 двароў, 76 рэвізскіх душ (1785)
29 рэвізскіх душ (дзяржаўныя сяляне (1839)
4 двары, 20 рэвізскіх душ мужчынскага полу і 15 жаночага полу (1842)
71 жыхар (1959)
49 жыхароў (1970)
9 гаспадарак, 11 жыхароў (1997)
2 гаспадаркі, 5 жыхароў (2018)

Крыніцы

↑ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).