Селішча (Гарадоцкі раён)

Аграгарадок Селішча Сажалка каля цэнтральнай вуліцы Краіна Беларусь Вобласць Віцебская Раён Гарадоцкі Сельсавет Даўгапольскі Каардынаты 55°34′30,70″ пн. ш. 29°43′31,60″ у. д.HGЯO Аграгарадок з 2010 Афіцыйная мова беларуская, руская Насельніцтва 88 чалавек (2002) Часавы пояс UTC+3 Тэлефонны код +375 2139[1] Паштовы індэкс 211542[1] Аўтамабільны код 2 СААТА 2218838101 Селішча на карце Беларусі ±

Селішча на Вікісховішчы

Се́лішча (руск.: Селище) — аграгарадок (да 2010 — вёска^[2]) ў Даўгапольскім сельсавеце Гарадоцкага раёна Віцебскай вобласці. На рацэ Бярноўка. За 21 км ад горада Гарадок, за 20 км ад чыгуначнай станцыі Бычыха^[3].

У канцы XVIII ст. аграгарадок у Гарадоцкім павеце Полацкай губерні. У 1803—1830 гг. казённы маёнтак Сяліцкі ў валоданні жонкі тайнага саветніка Тарбеева, памешчыцы Гарбачэўскай, памешчыкаў Лукашэвіча, Місуна. У 1831 годзе казной маёнтак перададзены ў кіраванне памешчыку Хлюзінскаму. У сярэдзіне 19 ст. маёнтак, цэнтр Селішчанскага староства ў Гарадоцкім павеце Віцебскай губерні. У 1863 годзе ў Селішчы дзейнічала сельская школа. З 1860-х гг. цэнтр воласці. Працавалі бібліятэка і народнае вучылішча. З 1923 г. Селішча ў Віраўлянскай воласці Віцебскага павета. З 24 жніўня 1924 г. Селішча — цэнтр сельсавета ў Гарадоцкім раёне Віцебскай акругі (з 20.2.1938 г. у Віцебскай вобласці). У 1930-х гг. створаны калгас «Чырвоны металіст», працавалі кузня, маслазавод, шавецкая майстэрня, ільнозавод.

Падчас Вялікай Айчыннай вайны з ліпеня 1941 года вёска акупавана нямецкім войскамі. Вызвалена 19 снежня 1943 г. у ходзе Гарадоцкай аперацыі^[4].

З 16 ліпеня 1954 года Селішча — вёска ў Даўгапольскім сельсавеце. У розны час у вёсцы дзейнічалі МТС, калгас «Металіст», бальніца. Вёска была цэнтрам калгаса «Чырвоны Кастрычнік».

• 31 рэвізская душа, 3 двары (1785)
• 78 жыхароў, 13 двароў (1885)
• 101 жыхар, 23 двары (1926)
• 108 жыхароў (1959)
• 96 жыхароў (1970)
• 231 жыхар, 88 двароў (на 1.1.2002)

У Селішчы дзейнічаюць:

• Аддзяленне «Чырвоны Кастрычнік» ААТ «Гарадоцкі Райаграснаб»
• Селішчанская сельская бібліятэка-клуб (філіял № 48) сеткі публічных бібліятэк Гарадоцкага раёна^[5]
• Селішчанская амбулаторыя ўрачэбнай практыкі Гарадоцкай ЦРБ^[6]
• магазін.

Аўтамабільнымі дарогамі Селішча звязана з Гарадком, аграгарадком Віраўля, аграгарадком і чыгуначнай станцыяй Бычыха, вёскамі Сураўні, Пралетарск, Кісялі і інш. Праз вёску пралягаюць аўтобусныя маршруты Віцебск—Іванаўка, Гарадок—Іванаўка, Гарадок—Ноўка.

У вёсцы знаходзяцца брацкія вайсковыя могілкі 543 савецкіх воінаў, загінуўшых у 1943—1944 гг.

• Памяць: Гарадоцкі р-н: Гіст.-дак. хронікі гарадоў і раёнаў Беларусі / Укл. С. І. Садоўская: Рэд. кал. Н. А. Бурунова і інш.; Маст. Э. Э. Жакевіч. — Мн.: Беларусь, 2004. — С. 212, 393, 680, 869—870. — 894 с. — 2 500 экз. — ISBN 985-01-0546-1.
• Северная Беларусь: Атлас автотуриста / Гл. ред. И. Чумак. — Мн.: Квадрограф, 2010. — С. 7. — 48 с. — 10 000 экз. — ISBN 978-985-6434-56-6. (руск.)