Даўгаполле

Арграгарадок Даўгаполле Краіна Беларусь Вобласць Віцебская Раён Гарадоцкі Сельсавет Даўгапольскі Каардынаты 55°32′55,10″ пн. ш. 29°44′46,73″ у. д.HGЯO Першая згадка XVI ст. Насельніцтва ▼156 чал. (2019)[1] Часавы пояс UTC+3 Тэлефонны код +375 2139 Паштовы індэкс 211542 Аўтамабільны код 2 СААТА 2218838021 Даўгаполле на карце Беларусі ±

Даўгаполле на Вікісховішчы

Даўгапо́лле (руск.: Долгополье) — аграгарадок^[2] (да 2009 — вёска) у Гарадоцкім раёне Віцебскай вобласці. За 17^[3] км на паўночны захад ад Гарадка, за 55 км ад Віцебска, на рацэ Чарнаўцы. Адміністрацыйны цэнтр Даўгапольскага сельсавета.

Згадваецца з XVI стагоддзя як мястэчка ў Віцебскім павеце Віцебскага ваяводства Вялікага княства Літоўскага^[4]. З 1772 года ў Расійскай імперыі. Вёска і маёнтак ва ўладанні І. Міляховіча, пасля яго смерці ў ведамстве Гарадоцкай дваранскай апекі. У XIX стагоддзі вёска і маёнтак перайшлі ва ўласнасць памешчыкаў Піяраў. У 1834 годзе ў маёнтку 427 сялянскіх душ, працавалі 2 карчмы, Свята-Міхайлаўская царква^[4]. У канцы XIX — пачатку XX стагоддзяў Даўгаполле — пагост і маёнтак Селішчанскай воласці Гарадоцкага павета Віцебскай губерні.

Пасля Кастрычніцкай рэвалюцыі маёнтак нацыяналізаваны. У Даўгаполлі дзейнічала сельскагаспадарчая камуна, школа 1-й ступені, у 1919 годзе створана калектыўная гаспадарка «Братэрства». З 15 лютага 1923 года ў Гарадоцкай воласці Гарадоцкага павета Віцебскай акругі, з 20 жніўня 1924 года ў Селішчанскім сельсавеце Гарадоцкага раёна Віцебскай акругі, з 20 лютага 1938 года Віцебскай вобласці.

Падчас Вялікай Айчыннай вайны ў баі каля вёскі загінулі 75 воінаў 259-га стралковага палка 179-й стралковай дывізіі РСЧА^[4]. У 1943 годзе вёска спалена нямецка-фашысцкімі акупантамі, было зарублена 26 жыхароў^[4]. Пасля вайны Даўгаполле адбудавана. З 16 ліпеня 1954 года цэнтр сельсавета.

У 1997 годзе Даўгаполлі 160 двароў, 408 жыхароў^[5]. У 2002 годзе ў вёсцы 139 двароў, 344 жыхары^[4].

У Даўгаполлі дзейнічаюць школа, Дом культуры, амбулаторыя, аддзяленне банка, магазін, бібліятэка, аддзяленне паштовай сувязі.

• Помнік 109 землякам, загінулым у Вялікую Айчынную вайну.
• Брацкая магіла 75 чырвонаармейцаў 259-га стралковага палка.

• Наталля Валер’еўна Амасовіч — кандыдат педагагічных навук, дацэнт Віцебскага дзяржаўнага ўніверсітэта.
• Аляксей Ягоравіч Вашчанка (1920—1942) — удзельнік Сталінградскай бітвы.
• Анатоль Фёдаравіч Кавалёў — мастак, дызайнер. Удзельнік Вялікай Айчыннай вайны^[6].

• Памяць: Гарадоцкі р-н: Гіст.-дак. хронікі гарадоў і раёнаў Беларусі / Укл. С. І. Садоўская: Рэд. кал. Н. А. Бурунова і інш.; Маст. Э. Э. Жакевіч. — Мн.: Беларусь, 2004. — С. 293—294, 812. — 894 с. — 2 500 экз. — ISBN 985-01-0546-1.
• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 65. — 10 000 экз. — ISBN 985-11-0035-8. — ISBN 985-11-0106-0 (т. 6).
• Северная Беларусь: Атлас автотуриста / Гл. ред. И. Чумак. — Мн.: Квадрограф, 2010. — С. 6. — 48 с. — 10 000 экз. — ISBN 978-985-6434-56-6. (руск.)