Востраў Палонскага

востраў Палонскага
	руск. Остров Полонского
	; Выгляд з космасу
Характарыстыкі
Плошча	11,57 км²
Насельніцтва	0 чал.
Размяшчэнне
	43°37′52,60″ пн. ш. 146°19′43,70″ у. д.HGЯO
Акваторыя	Ціхі акіян
Краіна	Расія;
	востраў Палонскага

Востраў Палонскага (руск.: Полонского, яп.: 多楽島) — востраў у Малой градзе Курыльскіх астравоў. Адміністрацыйна ўваходзіць у склад Сахалінскай вобласці Расіі. На востраў таксама прэтэндуе Японія. Плошча — 11,57 км².

Мае вулканічнае паходжанне. Вышыня паверхні да 18 м, значная частка забалочана. На поўдні вылучаюцца 2 возеры. Пакрыты травяной і хмызняковай расліннасцю. На ўзбярэжжы ёсць пясчаныя пляжы.

Айны называлі востраў Палонскага Тарара вука («скураны рамень»). У 1875—1945 гг. належаў Японіі. У гэты перыяд на востраве існавала некалькі рыбацкіх паселішчаў, жыло 1457 чал. У 1945 г. заняты савецкімі войскамі і пазней уключаны ў склад РСФСР. На востраве захаваліся рэшткі двух японскіх і аднаго савецкага паселішчаў.

У нашы дні ненаселены. З’яўляецца часткай прыроднага заказніка «Малыя Курылы».