Выгалавічы

Вёска Выгалавічы Могілкавая капліца ў Выгалавічах Краіна Беларусь Вобласць Мінская Раён Мядзельскі Сельсавет Княгінінскі Каардынаты 54°41′34″ пн. ш. 27°06′48″ у. д.HGЯO Колькасць двароў 199 Насельніцтва 445 чалавек (1997) Часавы пояс UTC+3 Тэлефонны код +375 1797 Паштовыя індэксы 222377 Аўтамабільны код 5 Выгалавічы на карце Беларусі ±

Выгалавічы на Вікісховішчы

Вы́галавічы^[1] (трансліт.: Vyhalavičy, руск.: Выголовичи) — вёска ў Мядзельскім раёне Мінскай вобласці. Уваходзіць у склад Княгінінскага сельсавета.

У 1868 г. вёска і засценак Княгінінскай воласці Вілейскага павета Віленскай губерні. У вёсцы было 28 двароў, 223 жыхара, у засценку — 1 двор, 29 жыхароў. У 1897 г. у вёсцы 515 жыхароў. У 1904 г. існавалі 2 вёскі: Выгалавічы 1-я (538 жыхароў) і Выгалавічы 2-я (45 жыхароў). З 1886 працавала школа граматы, дзе ў 1896-97 навучальным годзе вучыліся 20 хлопчыкаў. У 1921 г. вёска гміны Крывічы Вілейскага павета Віленскага ваяводства, 121 двор, 648 жыхароў. З 12.10.1940 г. у Княгінінскім сельсавеце Крывіцкага раёна Вілейскай, з 20.09.1944 г. Маладзечанскай, з 20.01.1960 г. Мінскай абласцей, з 25.12.1962 г. ў Мядзельскім раёне.

У 1949 г. 43 вясковыя гаспадаркі арганізавалі калгас імя Сталіна. З 1957 вёска ў складзе саўгаса «Крывічы» (цэнтр — вёска Княгінін). З 17.02.1971 г. вёска цэнтр птушкафабрыкі «Зара камунізму».

• 676 жыхароў (1960)
• 199 двароў, 445 жыхароў (1997)

Размешчана птушкафабрыка, тэхнічныя майстэрні, аддзяленне сувязі, Дом культуры, бібліятэка, базавая школа, фельчарска-акушэрскі пункт, 2 крамы.

25 землякоў загінулі ў баях з гітлераўцамі ў гады Вялікай Айчыннай вайны. На ўшанаванне іх памяці ў цэнтры вёскі, каля клуба, у 1975 пастаўлена стэла.

• Wyhołowicze, wieś, powiat wilejski, gmina Kniahinin // Słownik geograficzny Królestwa Polskiego i innych krajów słowiańskich. Tom XIV: Worowo — Żyżyn (польск.). — Warszawa, 1895. — S. 90.

• На Вікісховішчы ёсць медыяфайлы па тэме Выгалавічы