Вышэйшая банкаўская школа ў Рызе

Вышэйшая банкаўская школа
Вышэйшая банкаўская школа
	лат.: Banku augstskola
Арыгінальная назва	лат.: Banku augstskola
Міжнародная назва	англ.: BA School of Business and Finance
Заснаваны	1992
Студэнты	1 500
Краіна	Латвія;
Размяшчэнне	Рыга
Сайт	ba.lv

Вышэйшая банкаўская школа (лат.: Banku augstskola) — латвійская дзяржаўная вышэйшая навучальная ўстанова, якая знаходзіцца ў Рызе.

Агульная характарыстыка

Установа адукацыі была заснавана ў 1992 годзе як Банкаўскі каледж пры Банку Латвіі і атрымала дзяржаўную акрэдытацыю ў якасці вышэйшай навучальнай установы ў 1997 годзе. Сёння яна прапануе адукацыйныя праграмы ў галіне эканомікі і прадпрымальніцтва, дзелавога адміністравання і фінансаў. Вучэльня рэалізуе 14 акрэдытаваных прафесійных праграм вышэйшай адукацыі. Нягледзячы на тое, што Вышэйшая банкаўская школа з'яўляецца дзяржаўнай установай вышэйшай адукацыі, яна не атрымлівае фінансаванне з дзяржаўнага бюджэту, а працуе па прынцыпе самафінансавання. У структуры школы функцыянуюць цэнтр даследаванняў бізнесу і фінансаў, бізнес-інкубатар, асацыяцыя выпускнікоў і інш.