Вяльмоў

Пасёлак Вяльмоў Краіна Беларусь Вобласць Гомельская Раён Брагінскі Пасялковы савет Камарынскі Каардынаты 51°28′05″ пн. ш. 30°21′46″ у. д.HGЯO Першая згадка XX стагоддзе СААТА 3203757011 Вяльмоў на карце Беларусі ±

Вяльмо́ў^[1] (трансліт.: Viaĺmoŭ, руск.: Вельмов) — былы пасёлак у Брагінскім раёне Гомельскай вобласці. Уваходзіў у склад Камарынскага пасялковага савета.

Пасля катастрофы на Чарнобыльскай АЭС і радыяцыйнага забруджвання жыхары (14 сем'яў) пераселены ў 1986 годзе ў чыстыя месцы. Ліквідаваны 20 жніўня 2008 года^[2].

У 41 км на поўдзень ад Брагіна, 7 км ад чыгуначнай станцыі Пасудава (на лініі Оўруч — Палтава), 160 км ад Гомеля.

На ўсходзе меліярацыйны канал.

Транспартныя сувязі па прасёлкавай, затым аўтадарозе Камарын — Брагін.

Планіроўка складаецца з просталінейнай вуліцы мерыдыянальнай арыентацыі. Забудавана рэдка драўлянымі хатамі сядзібнага тыпу.

Вядомая з пачатку XX стагоддзя. У 1908 годзе сяліба ў Савіцкай воласці Рэчыцкага павета Мінскай губерні.

У 1930 годзе арганізаваны калгас. Падчас Вялікай Айчыннай вайны у чэрвені 1943 года нямецкія акупанты цалкам спалілі вёску і забілі 20 жыхароў (пахаваны ў магіле ахвяр фашызму на паўднёвай ускраіне).

Паводле перапісу 1959 года ў складзе калгаса «Ленінскі шлях» (цэнтр — вёска Калыбань).

Да 8 студзеня 1987 года пасёлак уваходзіў у склад Калыбанскага сельсавета^[3], да 13 снежня 1991 года — у склад Гдзенскага сельсавета, пасля — у адміністрацыйным падпарадкаванні Камарынскага пассавета.

• 2004 год — жыхароў няма.

• 1908 год — 18 двароў, 90 жыхароў.
• 1940 год — 46 двароў, 180 жыхароў.
• 1959 год — 100 жыхароў (паводле перапісу).
• 1986 год — жыхары (14 сем'яў) выселены.

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0