Вячаслаў Міхайлавіч Клыкаў

Вячаслаў Міхайлавіч Клыкаў
Імя пры нараджэнні	руск.: Вячеслав Михайлович Клыков
Дата нараджэння	19 кастрычніка 1939(1939-10-19)
Месца нараджэння	Мармыжы[d], Савецкі раён[d], Курская вобласць, РСФСР, СССР
Дата смерці	2 чэрвеня 2006(2006-06-02)[1] (66 гадоў)
Месца смерці	Масква, Расія
Грамадзянства	СССР  Расія
Род дзейнасці	скульптар, філосаф
Жанр	манументальнае мастацтва
Вучоба	Маскоўскі дзяржаўны акадэмічны мастацкі інстытут імя В. І. Сурыкава[d]
Вядомыя працы	помнік Сергію Раданежскаму
Уплыў на	Юрый Кандрашоў
Партыя	Саюз рускага народа
Член у	Саюз мастакоў СССР
Прэміі
Узнагароды	Народны мастак Расіі (1999) Дзяржаўная прэмія РСФСР імя І. Я. Рэпіна (1988)
Медыяфайлы на Вікісховішчы

Вячаслаў Міхайлавіч Клыкаў (19 кастрычніка 1939, Мармыжы, Курская вобласць — 2 чэрвеня 2006) — расійскі скульптар.

Нарадзіўся ў сялянскай сям'і. Скончыў Маскоўскі мастацкі інстытут імя У. І. Сурыкава (1964). Заснавальнік і старшыня Міжнароднага фонду славянскай пісьменнасці і культуры, Саюза рускага народа, шэрагу іншых грамадскіх арганізацый. У 1990 годзе яго Міжнародны фонд славянскай пісьменнасці і культуры разам з журналістам Аляксеем Сеніным заснаваў газету «Рускі веснік» нацыяналістычна-праваслаўнага кірунку.

Памёр у Маскве, пахаваны ў родным сяле Мармыжы.

Стаў вядомым пасля скульптурнага афармлення Цэнтральнага дзіцячага музычнага тэатра (1979) і стварэння фігуры бога гандлю Меркурыя ў Цэнтры міжнароднага гандлю (1982). Амаль усё яго творы ўяўляюць сабой бронзавыя адліўкі з выразным сілуэтам. Стандарты афіцыйнага манументалізму «суровага стылю» выцясняюцца ў іх «карнавальна»-гульнявым пачаткам (дэкор дзіцячага тэатра, шэраг станковых прац 1970-х — пачатку 1980-х гадоў), а ў канцы 1980-х — пачатку 2000-х гадоў — нацыянальна-рамантычным пафасам.

Сярод прац В. Клыкава:

• помнік Мікалаю Рубцову ў Тоцьме (1986),
• помнік Канстанціну Бацюшкаву ў Волагдзе (1987),
• помнік Сергію Раданежскаму ў Раданежы (1987),
• помнік вялікай княгіні Лізавеце Фёдараўне ў Маскве (1990),
• помнік пратапопу Авакуму ў сяле Грыгораве Ніжагародскай вобласці (1991),
• помнік Васілю Шукшыну на Алтаі (1991),
• помнік Кірылу і Мяфодзію ў Маскве (1991),
• помнік Уладзіміру Святому ў Херсанесе (1993),
• помнік І. А. Буніну ў Арле (1995),
• помнік маршалу Г. К. Жукаву ў Маскве каля Гістарычнага музея (1995),
• помнік імператару Мікалаю II у сяле Тайнінскім (1996) і Падольску (1998),
• помнік імператару Пятру I у Ліпецку (1996),
• помнік Ілью Мурамцу ў Калузе (1998),
• помнік князю Аляксандру Неўскаму ў Курску (2000),
• помнік адміралу Калчаку ў Іркуцку (2004),
• помнік князю Святаславу ў Белгародскай вобласці (2006),
• храм-званіца (у сааўтарстве) пад Прохараўкай у памяць бітвы на Курскай дузе (1995).

• Народны мастак РСФСР,
• Лаўрэат Дзяржаўнай прэміі СССР,
• Лаўрэат Дзяржаўнай прэміі РСФСР імя Рэпіна,
• Уладальнік Залатога медалю Акадэміі мастацтваў Расіі,
• Уладальнік гран-пры міжнароднай выстаўкі скульптуры ў Бялградзе.

• На Вікісховішчы ёсць медыяфайлы па тэме Вячаслаў Міхайлавіч Клыкаў