Вільчанка

Вільчанка
Характарыстыка
Даўжыня	22 км
Басейн	158 км²
Вадацёк
Выток
• Месцазнаходжанне	каля вёскі Палетнікі
• Каардынаты	53°50′52,40″ пн. ш. 30°18′07,40″ у. д.HGЯO
Вусце	Дняпро
• Месцазнаходжанне	за 2 км ад вёскі Вільчыцы
• Каардынаты	53°42′35″ пн. ш. 30°18′24″ у. д.HGЯO
Ухіл ракі	0,9 м/км
Размяшчэнне
Водная сістэма	Дняпро → Чорнае мора
Краіна	Беларусь
Рэгіён	Магілёўская вобласць
Раён	Магілёўскі раён
выток вусце
— выток, — вусце

Вільчанка, Ві́льча, Дзягця́рка, Велічанка, Верчанка, Вейна^[1] — рака ў Магілёўскім раёне Магілёўскай вобласці Беларусі, левы прыток ракі Дняпро.

Даўнейшая назва ракі — Вейна, астатнія пазнейшыя. Назва балцкага паходжання^[2].

Так жа сама называецца прыток вілейскай Дзвінасы рака Вейніца (< Вейна), прыток дзвінскай Обшы рака Вейна.

Назва параўноўваецца з гідронімам Vija (адпачатная літоўская назва ракі Іўянкі), латышскім Vija^[3], якія звязаныя з літоўскім vyti «звіваць, скручваць»^[4]. Далей да індаеўрапейскага *ṷei- «згінаць, скручваць, віць»^[5].

Так жа сама, з дапамогай пашыральніка -n-, ад фанетычна сугучных каранёў утвораныя назвы: бярэзінскай ракі Гайна, дняпроўскай ракі Лойня^[ru], дзвінскіх рэк Лойна^[ru] і Байна, возера Бойна (руск.: Бойно) у басейне Дзвіны.

Назва Вейна значыць «Звілістая (рака)».

Даўжыня ракі 22 км. Плошча вадазбору 158 км². Сярэдні нахіл воднай паверхні 0,9 ‰.

Пачынаецца каля вёскі Палетнікі, вусце за 2 км у напрамку на паўднёвы захад ад вёскі Вільчыцы, на 1419^[6] кіламетры ад вусця Дняпра. Адносіцца да Цэнтральна-Бярэзінскага гідралагічнага рэгіёна^[7].

Вадазбор у заходняй частцы Аршанска-Магілёўскай раўніны^[8]. Ад вусця 1,8 км рэчышча каналізаванае. На рацэ 2 сажалкі каля вёсак Навасёлкі і Вільчыцы. Прыток — рака Шчацінка^[9] (злева, упадае ў сажалку Вільчыцы).

• Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — 480 с. — 10 000 экз. — ISBN 985-11-0035-8. — ISBN 985-11-0090-0 (т. 4).
• Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
• Республика Беларусь. Атлас охотника и рыболова: Могилёвская область / Редактор Г. Г. Науменко. — Мн.: РУП «Белкартография», 2012. — С. 17, 51. — 64 с. — 10 000 экз. — ISBN 978-985-508-173-0. (руск.)
• Ліст карты N-36-73. Выданне 1979 г. (руск.)

• Общая характеристика речной сети Могёлевской области (в разрезе районов) // Справочник «Водные объекты Республики Беларусь» Архівавана 31 жніўня 2017. (руск.)