Вішоўскі сельсавет

Вішоўскі сельсавет
Вішоўскі сельсавет
Краіна	Беларусь
Уваходзіць у	Бялыніцкі раён
Уключае	31 населены пункт
Адміністрацыйны цэнтр	Вішоў
Дата ўтварэння	20 жніўня 1924
Старшыня сельсавета	Карпікаў Дзмітрый Анатолевіч
Кіраўнік спраў	Капшук Вольга Генадзеўна
Насельніцтва (2019)	2 457
Плошча	173,75 км²;
Часавы пояс	UTC+03:00
Тэлефонны код	2232
Код аўтам. нумароў	6
Афіцыйны сайт

Вішо́ўскі сельсавет — адміністрацыйна-тэрытарыяльная адзінка ў складзе Бялыніцкага раёна Магілёўскай вобласці Беларусі. Цэнтр — аграгарадок (да 2010 года вёска) Вішоў.

Гісторыя

Утвораны 20 жніўня 1924 года ў складзе Магілёўскага раёна Магілёўскай акругі БССР. Цэнтр — вёска Вішова. Пасля скасавання акруговай сістэмы 26 ліпеня 1930 года ў Магілёўскім раёне БССР. З 5 красавіка 1935 года ў складзе Бялыніцкага раёна БССР, з 20 лютага 1938 года — Магілёўскай вобласці. 16 ліпеня 1954 года да сельсавета далучана тэрыторыя скасаваных Нежкаўскага і Рафалаўскага сельсаветаў^[1]. 11 красавіка 1960 года ў склад сельсавета з Прыхабскага сельсавета перададзены 6 населеных пунктаў (Лямніца, Малінаўка, Масцішча, Мікалаеўка, Паўлінка і Пральня)^[2]. 18 лютага 1972 года скасавана вёска Гарноўшчына^[3]. У 1981 годзе вёска Вішова, цэнтр сельсавета, перайменавана ў Вішоў. 23 снежня 2009 года ў склад сельсавета з Галоўчынскага сельсавета перададзены 11 населеных пунктаў (Бракаўшчына, Ізобішча, Карпаўка, Лічынка, Малінаўка, Мікалаеўка, Навасёлкі, Саглассе, Север, Супшынка і Сцяпанаўка)^[4]. 20 ліпеня 2015 года скасавана вёска Старое Ляда^[5].

Насельніцтва

Насельніцтва сельсавета паводле перапісу 2009 года (21 населены пункт) — 2266 чалавек^[6], з іх 94,1 % — беларусы, 4,2 % — рускія, 0,6 % — украінцы^[7]; паводле перапісу 2019 года (31 населены пункт) — 2457 чалавек^[8].

Прамысловасць

Прадпрыемствы — ААТ "ПМК-83 «Вадбуд», Бялыніцкі СВК "Калгас «Радзіма»

Гандаль і бытавыя паслугі

Гандаль — 18 крам.

Бытавыя паслугі — 2 комплексных прыёмных пункта па прыёму заказаў на бытавыя паслугі.

Адукацыя, медыцына, культура

Адукацыя — 1 СШ, 1 ВВК ДСПШ, 1 дзіцячы сад.

Медыцына — 1 сельская ўрачэбная амбулаторыя, 3 ФАПа.

Культура — 1 СЦКД, 1 СДК, 3 СК, 3 бібліятэкі.

Гістарычныя месцы

На тэрыторыі сельсавета знаходзіцца 14 воінскіх пахаванняў. Мемарыяльны комплекс «Сцефанава».

Састаў

Уключае 31 населены пункт.

Скасаваныя населеныя пункты:

Старое Ляда — пасёлак

Зноскі

↑ Указ Президиума Верховного Совета БССР от 16 июля 1954 г. Об объединении сельских советов Могилевской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
↑ Рашэнне выканкома Магілёўскага абласнога Савета дэпутатаў працоўных ад 11 красавіка 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 10.
↑ Рашэнне выканаўчага камітэта Магілёўскага абласнога Савета дэпутатаў працоўных ад 18 лютага 1972 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1972, № 8 (1346).
↑ Решение Могилевского областного Совета депутатов от 23 декабря 2009 г. № 17-16 Об изменении административно-территориального устройства некоторых административно-территориальных единиц Могилевской области Архівавана 24 лістапада 2015.
↑ Решение Белыничского районного Совета депутатов от 20 июля 2015 г. № 14-5 Об упразднении сельских населенных пунктов Белыничского района
↑ Насельніцтва населеных пунктаў Магілёўскай вобласці Беларусі паводле перапісу 2009 года
↑ Этнічны склад насельніцтва сельсаветаў Беларусі паводле перапісу 2009 года
↑ Насельніцтва населеных пунктаў Магілёўскай вобласці Беларусі паводле перапісу 2019 года

Літаратура

Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.