Гандлёвыя рады (Антопаль)

Помнік архітэктуры
Гандлёвыя рады
52°12′16″ пн. ш. 24°47′15″ у. д.HGЯO
Краіна	Беларусь
Гарадскі пасёлак	Антопаль
Тып будынка	гандлёвыя рады
Архітэктурны стыль	класіцызм
Дата пабудовы	ХІХ стагоддзе
Статус	Гісторыка-культурная каштоўнасць Беларусі, шыфр 113Г000180шыфр 113Г000180
Стан	Добры
Глобус Беларусі	globustut.by/antopol/ind…
Медыяфайлы на Вікісховішчы

Гандлёвыя рады — гістарычны гандлёва-складскі комплекс у гарадскім пасёлку Антопаль (Драгічынскі раён, Брэсцкая вобласць, Беларусь). Пабудаваны ў сярэдзіне ХІХ стагоддзя з цэглы. У наш час выкарыстоўваюцца па сваім першапачатковым прызначэнні.

Аднапавярховы будынак у плане ўтварае замкнёны прамавугольнік з вялікім унутраным дваром плошчай каля 250 м². У цэнтры процілеглых падоўжных бакоў зроблены праезды. Два рады калон дзеляць унутраную прастору будынка на тры пралёты. Інтэрвал паміж калонамі вызначае памеры гандлёвай секцыі. Кожная з іх перакрытая трохпралётным бочкападобным скляпеннем. Функцыянальна секцыя складаецца з гандлёвай залы, прылаўка і складскога памяшкання. Гандлёвыя рады арыентаваны на плошчу, а складскія памяшканні — ва ўнутраны гаспадарчы двор. Сцены будынка па ўсім перыметры прарэзаны лучковымі аконнымі праёмамі і завершаны прафіляваным карнізам з сухарыкамі.

• Гандлёвыя рады, Мінск
• Гандлёвыя рады, Пружаны
• Гандлёвыя рады, Навагрудак

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 113Г000180

• Гандлёвыя рады (Антопаль) на сайце Глобус Беларусі (руск.)