Гаранскі сельсавет (Мінскі раён)

Гаранскі сельсавет
Краіна	Беларусь
Уваходзіць у	Мінскі раён
Уключае	40 населеных пунктаў
Адміністрацыйны цэнтр	Наваселле
Дата ўтварэння	16 ліпеня 1954
Насельніцтва (2019)	6 210
Часавы пояс	UTC+03:00
Код аўтам. нумароў	5

Гара́нскі сельсавет — адміністрацыйна-тэрытарыяльная адзінка ў складзе Мінскага раёна Мінскай вобласці Беларусі. Цэнтр — аграгарадок Наваселле.

Утвораны 16 ліпеня 1954 года ў складзе Заслаўскага раёна Мінскай вобласці БССР шляхам аб’яднання скасаваных Навадворскага і Траскоўшчынскага сельсаветаў^[1]. Цэнтр — вёска Гарані. З 8 жніўня 1959 года ў складзе Мінскага раёна. 8 лютага 1982 года ў склад Хацежынскага сельсавета перададзены вёскі Малашкі і Рыжыкі^[2]. 6 снежня 2019 года цэнтр сельсавета перанесены ў аграгарадок Наваселле^[3].

Насельніцтва сельсавета паводле перапісу 2009 года — 5555 чалавек^[4], з іх 92,8 % — беларусы, 5,0 % — рускія, 0,8 % — украінцы, 0,8 % — палякі^[5]; паводле перапісу 2019 года (48 населеных пунктаў) — 6210 чалавек^[6].

• Административно-территориальное устройство БССР: справочник: в 2 т. / С.Д. Гриневич и др. — Главное архивное управление при Совете Министров БССР, Институт философии и права Академии наук БССР. — Т. 2: (1944―1980 гг.). — Минск: «Беларусь», 1987. — 283 с.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.