Генрых Юр’евіч Грыгоніс

Генрых Грыгоніс
Г. Грыгоніс. Мастак Міхаіл Мацвеевіч Філіповіч. 1927
Імя пры нараджэнні	Генрых Юр’евіч Грыгоніс
Дата нараджэння	20 мая 1889(1889-05-20)
Месца нараджэння	Падбярэззе, Віленскі павет, Віленская губерня, Расійская імперыя
Дата смерці	4 лістапада 1955(1955-11-04) (66 гадоў)
Месца смерці	Мінск, БССР, СССР
Месца пахавання	Вайсковыя могілкі
Грамадзянства	Расійская імперыя  СССР
Прафесія	акцёр
Кар’ера	1909—1955
Узнагароды
IMDb	ID 7651748
Медыяфайлы на Вікісховішчы

Генрых Юр’евіч Грыгоніс (20 мая 1889(1889-05-20), Падбярэззе, Віленская губерня — 4 лістапада 1955(1955-11-04), Мінск) — беларускі акцёр тэатра і кіно. Народны артыст БССР (1941)^[1].

Нарадзіўся 20 мая 1889 года ў в. Падбярэззе Віленскага павета.

У 1908—1915 гадах працаваў у антрэпрызах на Далёкім Усходзе, у 1917—1919 гадах — у тэатрах Петраграда. У 1919 годзе — у Першым беларускім таварыстве драмы і камедыі (выканаў ролі Пустарэвіча, Старца ў «Паўлінцы» і «Раскіданым гняздзе» Я. Купалы). З 1920 года — у Першым беларускім дзяржаўным тэатры.

Памёр 4 лістапада 1955 года ў Мінску. Пахаваны ў Мінску на Вайсковых могілках.

Акцёр яркай сцэнічнай індывідуальнасці; яму былі уласцівы вострая камедыйнасць і лірыка-драматычная афарбоўка роляў. Створаныя ім народныя характары адметныя сакавітым гумарам, нацыянальным каларытам: Даліла («На Купалле» М. Чарота), Каваль («Каваль-ваявода» Е. Міровіча), Мікола («Салавей» З. Бядулі), Анісім («Пагібель воўка» Э. Самуйлёнка), Нічыпар, Сымон Верас («Хто смяецца апошнім», «Пяюць жаваранкі» К. Крапівы). У класічным рэпертуары асаблівы поспех меў у ролі Журдэна («Мешчанін у дваранах» Мальера). Сярод іншых значных роляў: Дзяк («Пісаравы імяніны» У. Галубка), Людавіка («Сабака на сене» Лопэ дэ Вэгі). Здымаўся ў кіно: «Кармялюк», «Хто смяецца апошнім» і інш^[1].

• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).
• Григонис Генрих Юрьевич // Белорусская ССР: Краткая энциклопедия в 5 т. (руск.) / Ред. колл.: П. У. Бровка и др. — Мн.: «Белорусская советская энциклопедия» имени Петруся Бровки, 1982. — Т. 5. Биографический справочник. — С. 171. — 737 с. — 50 000 экз.
• Генрых Юр’евіч Грыгоніс // Тэатральная Беларусь : энцыклапедыя : у 2 т. / рэдкал.: Г. П. Пашкоў [і інш.]. — Мн., 2003. — Т. 1. — С. 315—316.
• Грыгоніс Генрых Юр’евіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 252—253. — 800 с. — 5 000 экз. — ISBN 985-11-0026-9.

• На Вікісховішчы ёсць медыяфайлы па тэме Генрых Юр’евіч Грыгоніс
• Грыгоніс Генрых Юр’евіч на сайце анлайн-энцыклапедыі «Беларусь у асобах і падзеях»
• Генрих Григонис // kino-teatr.ru (руск.)