Грабянёўскі сельсавет

Грабянёўскі сельсавет
Краіна	Беларусь
Уваходзіць у	Лельчыцкі раён
Уключае	9 населеных пунктаў
Адміністрацыйны цэнтр	Грабяні
Дата ўтварэння	20 жніўня 1924
Дата скасавання	12 лістапада 2013
Насельніцтва (2009)	528
Часавы пояс	UTC+03:00
Код аўтам. нумароў	3

Грабянё́ўскі сельсавет — былая адміністрацыйна-тэрытарыяльная адзінка ў складзе Лельчыцкага раёна Гомельскай вобласці. Цэнтр — вёска Грабяні.

Утвораны 20 жніўня 1924 года ў складзе Лельчыцкага раёна Мазырскай акругі БССР. Пасля скасавання акруговай сістэмы 26 ліпеня 1930 года ў Лельчыцкім раёне БССР. З 21 чэрвеня 1935 года ў Лельчыцкім раёне Мазырскай акругі, з 20 лютага 1938 года — Палескай вобласці, з 8 студзеня 1954 года — Гомельскай вобласці. З 25 снежня 1962 года па 6 студзеня 1965 года ў Мазырскім раёне. 30 верасня 2009 года скасавана вёска Воранаў^[1]. 12 лістапада 2013 года сельсавет скасаваны, яго тэрыторыя далучана да Стадоліцкага сельсавета^[2].

На момант скасавання сельсавет налічваў 9 населеных пунктаў:

• Вёска Альховая
• Вёска Вусаў
• Вёска Вязавая
• Вёска Грабяні
• Вёска Жмурнае
• Вёска Запясочнае
• Вёска Кавыжаў
• Вёска Лохніца
• Вёска Мяхач

Насельніцтва сельсавета паводле перапісу 2009 года — 528 чалавек^[3], з іх 97,3 % — беларусы, 1,3 % — украінцы^[4].

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.