Еўдакія Ільінічна Уралава

Еўдакія Ільінічна Уралава
Намеснік Старшыні Савета Міністраў БССР 1950 — 1958
Кіраўнік урада	Аляксей Кляшчоў Кірыл Мазураў Мікалай Аўхімовіч
1-ы Міністр асветы БССР 26 сакавіка 1946 — 1947
Кіраўнік урада	Панцеляймон Панамарэнка
Папярэднік	пасада ўтвораная, яна сама, як наркам асветы БССР
Пераемнік	Міхаіл Зімянін
9-ы Наркам асветы БССР 1938 — 26 сакавіка 1946
Кіраўнік урада	Кузьма Кісялёў Іван Былінскі Панцеляймон Панамарэнка
Папярэднік	Уладзімір Півавараў
Пераемнік	пасада скасаваная, яна сама, як міністр асветы БССР
Нараджэнне	22 жніўня (4 верасня) 1902 Сакалянка, Рослаўскі павет, Смаленская губерня, Расійская імперыя
Смерць	17 мая 1985(1985-05-17) (82 гады) Мінск, БССР, СССР[1]
Партыя	УКП(б) (1926)
Адукацыя	Вышэйшая партыйная школа пры ЦК КПСС
Узнагароды

Еўдакі́я Ільі́нічна Ура́лава (22 жніўня 1902, в. Сакалянка Смаленскай губерні — 17 мая 1985) — беларускі савецкі дзяржаўны і партыйны дзеяч, наркам асветы БССР (1938—1941), міністр асветы БССР (1946—1947).

Член УКП(б)/КПСС з 1926. У 1921—1929 гадах — настаўніца, жаночы арганізатар валаснога камітэта УКП(б), інструктар Рослаўльскага павятовага камітэта УКП(б), народны суддзя горада Рослаўль.

У 1931 скончыла Вышэйшыя юрыдычныя курсы ў Маскве. З 1931 года на працы ў Полацкім гарадскім Судзе, у пракуратуры горада Полацк.

У 1937 па сакавік 1938 года 2-і сакратар Полацкага акруговага камітэта, далей 1-ы сакратар Полацкага раённага камітэта КП(б) Беларусі.

З 1938 года ўзначаліла Народны камісарыят асветы БССР, пасля стала першым міністрам асветы Беларускай ССР (займала пасаду па 1947).

У 1948—1950 гадах — намесніца старшыні Беларускага рэспубліканскага таварыства па распаўсюджванню палітычных і навуковых ведаў.

У 1950—1958 гадах — намесніца старшыні СМ БССР.

Абіралася дэпутатам Вярхоўнага Савета СССР 2-га склікання, член Прэзідыума Вярхоўнага Савета СССР (1946—1950). Дэпутат Вярхоўнага Савета БССР у 1938—1947 і 1951—1959 гадах. Член ЦК КПБ у 1938—1949 і 1952—1960 гадах. У 1954 скончыла Вышэйшую партыйную школу пры ЦК КПСС.

Памерла ў 1985 годзе.

• Уралова Евдокия Ильинична // Белорусская ССР. Краткая энциклопедия. — Минск: «Белорусская советская энциклопедия» имени Петруся Бровки, 1982. — Т. 5. Биографический справочник. — С. 624. — 737 с.
• Уралова Евдокия Ильинична. Справочник по истории Коммунистической партии и Советского Союза 1898—1991