Закозель

Закозель
Краіна	Беларусь
Вобласць	Брэсцкая
Раён	Драгічынскі
Сельсавет	Закозельскі
Каардынаты	52°07′34″ пн. ш. 25°00′23″ у. д.HGЯO
Насельніцтва	▼474 чал. (2019);
Часавы пояс	UTC+3
Тэлефонны код	+375 1644
Аўтамабільны код	1
СААТА	1220835021
	Закозель на Вікісховішчы

Зако́зель^[2] (трансліт.: Zakozieĺ, руск.: Закозель) — аграгарадок у Драгічынскім раёне Брэсцкай вобласці Беларусі. Адміністрацыйны цэнтр Закозельскага сельсавета.

Геаграфія

Знаходзіцца за 13 км у напрамку на паўднёвы захад ад горада Драгічын, за 118 км ад Брэста^[3].

Гісторыя

У XVIII ст. гэтыя землі атрымала палеская галіна роду Ажэшкаў. У XIX ст., калі гаспадаром маёнтка быў Нікамід Ажэшка, тут паўстаў сядзібны дом, парк плошчай 30 гектараў і капліца-пахавальня, збудаваная ў 1839 г. у неагатычным стылі па праекце Францішка Яшчалда, які таксама ўдзельнічаў у стварэнні палаца Пуслоўскіх у Косаве.

Згодна з некаторымі сцвярджэннямі, у капліцы пасля падаўлення паўстання 1863—64 гг. хаваўся нейкі час Рамуальд Траўгут, што ўзначальваў Кобрынскі паўстанцкі атрад. Калі яго пошукі пакрысе пачалі сціхаць, Эліза Ажэшка вывезла яго ў Польшчу.

Пасля падаўлення паўстання мужа Элізы Ажэшка — Пятра саслалі ў Пермскую губерню, маёнтак у Людвінове, што недалёка, канфіскавалі. У 1893 г. Закозель перайшоў графіні Бабрынскай, якая ўпарадкавала маёнтак, а капліцу пакінула ў нязменным стане.

З 1970 года цэнтр сельсавета^[4].

Насельніцтва

1997 год — 767 жыхароў, 310 двароў^[3].

Славутасці

Сядзібна-паркавы комплекс Ажэшкаў — Гісторыка-культурная каштоўнасць Беларусі, шыфр 112Г000196шыфр 112Г000196
Капліца-пахавальня Ажэшкаў

Крыніцы

↑ https://map.nca.by
↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU). Сустракаецца таксама варыянт Зако́зелле, н.
↑ ^а ^б Закозель // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 506. — 10 000 экз. — ISBN 985-11-0035-8. — ISBN 985-11-0106-0 (т. 6).
↑ Рашэнне выканаўчага камітэта Брэсцкага абласнога Савета дэпутатаў працоўных ад 21 снежня 1970 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1971, № 6 (1308).

Літаратура

Закозель // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 506. — 10 000 экз. — ISBN 985-11-0035-8. — ISBN 985-11-0106-0 (т. 6).