Зубрэвічы (Аршанскі раён)

Аграгарадок Зубрэвічы Краіна Беларусь Вобласць Віцебская Раён Аршанскі Сельсавет Зубрэвіцкі Каардынаты 54°23′ пн. ш. 30°12′ у. д.HGЯO Насельніцтва ▼453 чал. (2009) Часавы пояс UTC+3 Тэлефонны код +375 216[1] Паштовы індэкс 211005[2] Аўтамабільны код 2 СААТА 2236814036 Зубрэвічы на карце Беларусі ±

Зубрэвічы — аграгарадок у Аршанскім раёне Віцебскай вобласці Беларусі. Зубрэвічы з’яўляюцца цэнтрам Зубрэвіцкага сельсавета.

Месціцца за 30 км на паўднёвы захад ад Оршы, за 110 км ад Віцебска, за 10 км ад чыгуначнай станцыі Копысь^[3], на рацэ Ульянаўка.

Вядомы прынамсі з 1444 года як «двор» Зубравічы, цэнтр удзела князя Дзмітрыя Сякіры ў Друцкім княстве. У 7-м індыкце князь склаў тастамент (7-ы індыкт прыпадае на 1429 ці 1444 год, дакумент звычайна датуюць 1444) на карысць жонкі Соф’і, дзяцей і нашчадкаў, паводле якога ўладанні складаліся з «двароў» Зубравічы і Хімы, «зямлі пустой» Дубровенскай, «двароў» Быхаў (пазнейшы Новы Быхаў), Добасна i даннікаў у Турцы (сярод земляў Свіслацкай воласці).^[4]

Згадваецца ў 1643 як мястэчка з царквой у складзе Шклоўскай воласці ў Аршанскім павеце ВКЛ^[5]. З 1772 г. у складзе Баранскай воласці Аршанскага павета Магілёўскай губерні^[6]. Затым у складзе Беларускай і Віцебскай губерняў. З 1938 г. у складзе Аршанскага раёна Віцебскай вобласці.

Да 8 красавіка 2004 года вёска ўваходзіла ў склад Дубраўскага сельсавета.^[7]

• 1997 год — 446 жыхароў, 209 двароў^[3].

• Янка Сіпакоў (1936—2011), беларускі пісьменнік і перакладчык

• Зубрэвічы // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7). — С. 118.
• Республика Беларусь. Витебская область: Общегеографический атлас (руск.) / Ред. И. Н. Шлык. — Мн.: РУП «Белкартография», 2008. — С. 34. — 36 с. — 5 000 экз. — ISBN 978-985-508-049-8.
• Республика Беларусь. Витебская область. Оршанский район: карта / Ред. В. А. Змачинская. — Мн.: Белкартография, 2008. — 10 000 экз.