Кавальская Слабада (станцыя метро)

«Кавальская Слабада» руск.: Ковальская Слобода
Зеленалужская лінія
Мінскі метрапалітэн
Дата адкрыцця	6 лістапада 2020
Праектная назва	Жукоўскага
Раён	Кастрычніцкі
Тып платформаў	астраўная
Форма платформаў	прамая
Выхад да вуліц	вуліц Жукоўскага і Варанянскага
Наземны транспарт	А: 4, 24, 65, 93, 163, 172, 191
Час адкрыцця	5:33
Код станцыі	313
Суседнія станцыі	Вакзальная і Аэрадромная
Медыяфайлы на Вікісховішчы

Зеленалужская лінія
умоўныя абазначэнні
Лагойская (праект) Зялёны Луг (праект) Івана Мележа (праект) Парк Дружбы Народаў (праект) Камароўская (праект) Пярэспа (праект) Прафсаюзная (праект) Юбілейная плошча Плошча Францішка Багушэвіча Вакзальная Кавальская Слабада Аэрадромная Немаршанскі Сад ЦЧ-3 «Слуцкае» Слуцкі Гасцінец

Кавальская Слабада (трансліт.: Kavaĺskaja Slabada) — станцыя першай чаргі Зеленалужскай лініі Мінскага метрапалітэна, паміж станцыямі «Вакзальная» і «Аэрадромная».

Назва станцыі звязаная з існаваннем у гэтым раёне рамесніцкага прадмесця, дзе жылі кавалі. Рамесніцтва стала асноўным матывам афармлення станцыі, створанага скульптарамі П. Вайніцкім, М. Тарлецкай і мастачкай М. Жвірбля.

Станцыя размешчана на скрыжаванні вуліц Жукоўскага і Варанянскага і ўведзена ў эксплуатацыю 6 лістапада 2020 года.

Канструкцыя станцыі – скляпеністага тыпу. Пасажырская платформа знаходзіцца пасярэдзіне, з абодвух бакоў размяшчаюцца калеі. Архітэктары праекту – У. Целяпнёў, В. Целяпнёва, А. Кузьміч, Г. Васільеў.

Для ўзмацнення бяспекі пасажыраў абапал станцыйнай платформы ўсталяваны празрыстыя брамкі абсталяваныя аўтаматычным механізмам адкрыцця-закрыцця, якія адкрываюцца толькі для высадкі і пасадкі пасажыраў. Станцыя абсталявана таксама ліфтам і прыстасавана да патрэб асоб з абмежаванымі фізічнымі магчымасцямі.

З часу адкрыцця і да 30 снежня 2024 года станцыя была канцавой на лініі, потым адкрылі другі ўчастак лініі ад станцыі Аэрадромная да станцыі Слуцкі Гасцінец.