Кармазіны

Вёска Кармазіны літ.: Karmazinai Межавы камень Краіна  Літва Павет Віленскі Раён Віленскі Сянюнія Дукштаўская Каардынаты 54°49′09″ пн. ш. 24°55′52″ у. д.HGЯO Назвы на іншых мовах польск.: Karmazyny[1], руск. дарэф. Кармосинъ[2], Кармазины[3] Насельніцтва 4 чалавекі (2011) Часавы пояс UTC+2, летам UTC+3 Кармазіны на карце Літвы

Медыяфайлы на Вікісховішчы

Кармазіны^[4], таксама Карма́зінай^[5] (літ.: Karmazinai) — вёска ў Віленскім раёне Віленскага павета Літвы. Уваходзіць у склад Дукштаўскай сянюніі.

Размешчана ў Дукштаўска-Шыленскіх лясах, на правым беразе Віліі (Нярыса), каля ўпадзення ў яе Дукшты (Дукшцянкі). Побач працякае ручай Айрупе. Тэрыторыя ўваходзіць у склад Нярыскага рэгіянальнага парку.

Ля Віліі ляжаць валуны Кулік^[4] (Cilwik, літ.: Tilvikas), памеры якога складаюць 1,9 х 2,6 м і які на 0,9 м выступае над вадой, Певень (літ.: Gaidys) і Сабачка (Sobaczka, літ.: Šunelis). На беразе Дукшты расце Святы дуб і адкрываюцца Кармазінскае і Дукштаўскае геалагічныя агаленні. Недалёка ад месца ўпадзення Дукшы ў Вілію — перакат.

Месца заселена з III—VII ст. Раней існавалі тры асобныя хутары: Кармазіны I, II і III. Назва, паводле Канстанціна Тышкевіча, паходзіць ад слова кармазін — «тонкае сукно пунсовага колеру». У ваколіцах вядомае і прозвішча Кармазін. Кармазіны III таксама вядомыя пад назвай Рыбак (польск.: Rybak, 1771).

У час паўстання 1863 года ў мясцовай даліне дзейнічаў паўстанцкі шпіталь.

У часы Першай сусветнай вайны ў 1915 годзе Кармазіны занялі войскі Германскай імперыі. 25 сакавіка 1918 года згодна з Трэцяй Устаўной граматай абвяшчаліся часткай Беларускай Народнай Рэспублікі^[6]. У пачатку 1919 года тэрыторыя занята Чырвонай Арміяй^[7]. З 27 лютага 1919 года — у ЛітБел ССР, у канцы сакавіка занята польскімі войскамі.

З 1920 года ўваходзілі ў склад Сярэдняй Літвы, з 1922 да 1939 года — у складзе гміны Мейшагола Віленска-Троцкага павета Віленскага ваяводства Польскай Рэспублікі^[8]. Па Віліі праходзіла польска-літоўская мяжа.

З пачаткам Другой сусветнай вайны ў верасні 1939 года занята савецкімі войскамі. Паводле савецка-літоўскага дагавора аб узаемадапамозе, падпісанага 10 кастрычніка 1939 года, Кармазіны разам з часткай Віленскага краю была перададзена Літве, з 1940 года — у Літоўскай ССР. У 1941—1944 гадах пад акупацыяй Германіі.

З 1990 года — у складзе незалежнай Літвы.

Дынаміка насельніцтва з 1905 па 2021
1905[9]	1931[10]	1959пер.[11]	1970пер.[12]	1979пер.[13]
40	84	18	14	9
1989пер.[14]	2001пер.[15]	2011пер.[16]	2021[17]	-
2	7	1	4	-
Гістаграма дынамікі насельніцтва

• Гарадзішча (Вершупка);
• Курганны могільнік. Пасля археалагічных раскопак, восенню 1997 года адзін з курганоў могільніка быў насыпаны нанова.

• Karmazyny // Słownik geograficzny Królestwa Polskiego i innych krajów słowiańskich. Tom III: Haag — Kępy (польск.). — Warszawa, 1882. — S. 845.
• Karmazyny // Słownik geograficzny Królestwa Polskiego i innych krajów słowiańskich. Tom XV, cz. 2: Januszpol — Wola Justowska (польск.). — Warszawa, 1902. — S. 59.

• На Вікісховішчы ёсць медыяфайлы па тэме Кармазіны

Шаблон:Дукштаўская сянюнія