Касцёл Спаслання Святога Духа (Барысаў)

Каталіцкі храм
Касцёл Спаслання Святога Духа
54°12′12″ пн. ш. 28°29′05″ у. д.HGЯO
Краіна	Беларусь
Горад	Барысаў
Канфесія	Рымска-каталіцкая царква
Епархія	Мінска-Магілёўская архідыяцэзія
Дэканат	Барысаўскі
Будаўніцтва	2014—2019 гады
Стан	дзейнічае

Касцёл Спаслання Святога Духа — мураваны касцёл у горадзе Барысаве. Знаходзіцца на вуліцы Даўмана, 95.

Парафія была арганізавана пры капліцы на Кальварыі, заснаванай у XVIII стагоддзі і адноўленай у 2000 годзе па ініцыятыве ксяндза Юзафа Пятушкі. Парафія знаходзіцца ў новай частцы горада, якая вельмі хутка развіваецца.

У 2000 годзе была выдзелена тэрыторыя для будаўніцтва касцёла. У 2006 годзе прыход быў перададзены ў дыяцэзію.

У 2007 годзе былі пабудаваны будынкі першай чаргі — гаспадарчая пабудова і капліца, у якой праводзіліся служэнні.

У 2013 годзе ў дзень Звеставання Найсвяцейшай панны Марыі ксёндз-біскуп Юрый Касабуцкі асвяціў тэрыторыю пад будаўніцтва касцёла, а 25 мая 2014 года мітрапаліт Мінска-Магілёўскі архібіскуп Тадэвуш Кандрусевіч асвяціў вуглавы камень для будаўніцтва^[1].

У 2016 годзе былі ўзведзены сцены.

З 2019 года служэнні праводзяцца ў будынку касцёла. 14 жніўня 2021 года арцыбіскуп Тадэвуш Кандрусевіч здзейсніў пасвячэнне новазбудаванага касцёла Спаслання Духа Святога^[2].

Праект касцёла задумаў ксёндз Уладзіслаў Лазар, дакументацыю зрабіў інстытут «Барысаўпраект». Пазней пробашч прыхода ксёндз Аляксей Раманчук унёс некаторыя змены ў праект^[3].

• Юзаф Пятушка
• Аляксандр Тарасевіч
• Аляксей Раманчук

• Барысаў — парафія Спаслання Духа Святога