Касцёл Маці Божай Фацімскай (Жодзіна)

Каталіцкі храм
Касцёл Маці Божай Фацімскай
54°06′24″ пн. ш. 28°18′02″ у. д.HGЯO
Краіна	Беларусь
Горад	Жодзіна
Канфесія	Рымска-каталіцкая царква
Епархія	Мінска-Магілёўская архідыяцэзія
Дата заснавання	1992
Будаўніцтва	1996—2003 гады
Стан	дзейнічае
Сайт	catholic-zhodzina.by
Медыяфайлы на Вікісховішчы

Касцёл Маці Божай Фацімскай  — мураваны каталіцкі храм у горадзе Жодзіна Мінскай вобласці.

25 сакавіка 1992 года адбыўся першы сход католікаў горада. 6 траўня 1992 года адбылася першая Святая Імша ў памяшканні дома культуры ГРЭС, якую правёў а. Юзаф Пятушка, пробашч Барысаўскай парафіі.

20 мая 1992 года ў Жодзінскім гарадскім выканкаме зарэгістравана Рымска-каталіцкая парафія імя Маці Божай Фацімскай. 4 чэрвеня 1993 года было прынята рашэнне гарадскога выканкама аб адводзе зямельнага ўчастка пад будаўніцтва касцёла. 15 мая 1994 года быў узвядзены драўляны крыж на касцёльнай тэрыторыi.

7 кастрычніка 1996 года было асвячэнна месца будаўніцтва касцёла пробашчам парафіі а. Маркам. 11 лістапада 1996 года быў закладзены першы камень падмурка касцёла.

Май — чэрвень 1997 года было скончана будаўніцтва фундамента. Ліпень — верасень 1997 года — узведзены сцены касцёла.

У 2021 годзе па ініцыятве мясцовай парафіі была ўсталявана фігура Божай Маці на ўездзе ў горад з боку Мінска.

Пабудаваны паводле праекта архітэктара Інэссы Кныш з «Барысаўпраекта».

Вырашаны квадратным у плане аб’ёмам, узнятым на высокі цокаль і накрытым стромкім вальмавым дахам з металачарапіцы, у які над фасадам урэзана чатырохгранная шатровая званіца. Фасад па цэнтры крапаваны трымя зашклёнымі прасламі з зубчастымі завяршэннямі. Такой жа формай вырашаны ўваходны партал-ніша, да якога вядзе лесвічны каскад. Аналагічна трактаваны плоскасныя бакавыя фасады. Трохгранны прэсбітэрый утвораны скошанымі ў плане сакрысціямі. Аднолькавае архітэктурнае і кампазіцыйнае вырашэнне атрымала далучаная да апсіды двухпавярховая плябанія, вальмавы дах над якой завершаны чатырохгранным шатром^[1].

• Юзаф Пятушка (1992—1993)
• Яраслаў Хыбза (1993—1994)
• Марк Жук (1995—2007)
• Вячаслаў Пялінак (1 снежня 2007 года — 30 студзеня 2009 года)
• Андрэй Сідаровіч (30 студзеня 2009 года — 1 верасня 2011 года)
• Міхаіл Цвячкоўскі (з 1 верасня 2011 года)

• Аляксандр Жарнасек (2005 па 2007 год)
• Андрэй Сідаровіч (20 лютага 2008 года — 30 студзеня 2009 года)
• Павел Падмышанін (з 28 сакавіка 2010 года)
• Канстанцін Анашка (з 1 кастрычніка 2013 года)

• Гісторыя парафіі — https://www.catholic-zhodzina.by/