Кевін дэ Бройнэ

Кевін дэ Бройнэ
Кевін дэ Бройнэ
Агульная інфармацыя
Нарадзіўся	28 чэрвеня 1991[…] (34 гады); Дронген[d], Гент, акруга Гент[d], Усходняя Фландрыя, Фламандскі рэгіён, Бельгія;
Грамадзянства	Бельгія
Рост	181 см
Вага	76 кг
Пазіцыя	паўабаронца
Інфармацыя пра клуб
Клуб	Манчэстэр Сіці
Нумар	11
Маладзёжныя клубы
1997—1999	Дронген
1999—2005	Гент
2005—2008	Генк
Клубная кар’ера
Нацыянальная зборная
Узнагароды і медалі
	Чэмпіянаты свету
Бронза	Расія 2018
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 25 лютага 2018. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 25 лютага 2018 ;
	Медыяфайлы на Вікісховішчы

Кевін дэ Бройнэ (нідэрл.: Kevin De Bruyne; нар. 28 чэрвеня 1991, Гент, Бельгія) — бельгійскі футбаліст, паўабаронца англійскага клуба «Манчэстэр Сіці» і нацыянальнай зборнай Бельгіі.

Кар’ера

«Генк»

Кевін дэ Бройнэ пачаў сваю кар’еру ў клубе роднага горада «Генце» ў 2003 годзе. Праз два гады перайшоў у «Генк», дзе выступаў у моладзевай камандзе. Дэбютаваў у асноўным складзе «Генка» ў матчы супраць «Шарлеруа» 9 мая 2009 года, дзе яго каманда атрымала паражэнне з лікам 3:0^[3]. У наступным сезоне 2009/10 ён, стаўшы іграком асноўнага складу, 7 лютага 2010 года забіў свой першы гол за «Генк», забяспечыўшы тры пункты сваёй камандзе, калі была атрымана перамога з лікам 1:0 над льескім «Стандардам»^[4].

У сезоне 2010/11 Кевін забіў пяць галоў у 32 матчах, у якім яго клуб у трэці раз у сваёй гісторыі стаў чэмпіёнам Бельгіі^[5].

«Чэлсі»

31 студзеня 2012 года «Генк» абвясціў аб пераходзе паўабаронцы ў «Чэлсі», з якім дэ Бройнэ падпісаў кантракт на пяць з паловай гадоў^[6]. Паводле ўмовы ўгоды ігрок дайграў рэшту сезона 2011/12 у «Генце» ўжо на правах арэнды.

«Вердэр»

2 жніўня 2012 года на афіцыйным сайце «Чэлсі» з’явілася паведамленне, што сезон 2012/13 Кевін правядзе ў нямецкім «Вердэры». Клубы дамовіліся аб пераходзе футбаліста за 1,3 мільёна еўра^[7].

«Вольфсбург»

18 студзеня 2014 года «Вольфсбург» выкупіў правы на дэ Бройнэ за суму ў памеры 17 млн фунтаў стэрлінгаў^[8]. У складзе «валкоў» Кевін адразу стаў адным з лідараў, у сезоне 2014/15 ён з 21 галявой перадачай стаў найлепшым асістэнтам Бундэслігі. 30 мая 2015 года забіў пераможны мяч у браму дортмундскай «Барусіі» ў фінале Кубка Германіі (выніковы лік 3:1).

«Манчэстэр Сіці»

30 жніўня 2015 года было афіцыйна абвешчана аб пераходзе дэ Бройнэ ў «Манчэстэр Сіці»^[9].

Міжнародная кар’ера

Кевін выступаў за юнацкія і моладзевыя зборныі краіны. 11 жніўня 2010 года дэбютаваў у складзе асноўнай зборнай Бельгіі ў рамках таварыскага матча супраць зборнай Фінляндыі ў горадзе Турку, дзе яго зборная атрымала паражэнне з лікам 1:0^[10].