Кюрасаа

Краіна Кюрасаа
Краіна Кюрасаа
	нідэрл.: Land Curaçao ; пап’ям.: Pais Kòrsou ; англ.: Country of Curaçao
Герб	Сцяг
	Гімн: «Himno di Kòrsou»
Афіцыйныя мовы	Нідэрландская, пап'ямента, англійская
Сталіца	Вілемстад
Форма кіравання	Канстытуцыйная манархія
Кароль ; Губернатар ; Міністр-прэзідэнт	Вілем-Аляксандр ; Люсіле Георгэ-Ваўт ; Івар Асьес
	Насельніцтва Кюрасаа
• Ацэнка (2013)	152,760 чал.
• Шчыльнасць	344 чал./км²
	ВУП (ППЗ)
• разам (2012)	3,1 млрд дол.
• На душу насельніцтва	22,619 дол.
	ВУП (намінал)
• разам (2008)	5,1 млрд дол.
• На душу насельніцтва	36,800 дол.
Валюта	Нідэрландскі антыльскі гульдэн (ANG)
Інтэрнэт-дамен	.cw
Код ISO	CW
Тэлефонны код	+599 9
Часавы пояс	-4
Аўтамабільны рух	справа[d]
	</references>
	Медыяфайлы на Вікісховішчы

Кюрасаа (нідэрл.: Curaçao, пап’ям.: Kòrsou) — самы вялікі востраў і аднайменнае дзяржаўнае ўтварэнне, размешчанае на поўдні Карыбскага мора паблізу берагоў Венесуэлы. З’яўляецца суб’ектам федэрацыі ў складзе Каралеўства Нідэрландаў. Плошча сушы — 444 км ². Колькасць насельніцтва — 141,766 тысяч чалавек. Сталіца — горад Вілемстад.

Геаграфія

Геаграфічнаае становішча

Кюрасаа — востраў у Карыбскам моры ў групе Малых Антыльскіх астравоў, у падгрупе Падветраных астравоў у 80 км ад берагоў Венесуэлы. Самы вялікі востраў архіпелага.

Клімат

На в. Кюрасаа субэкватарыяльны клімат, сярэднегадавая тэмпература +30ºС. Найменьшыя тэмпературы ў студзені +26…+28 ºС. Дажджлівы перыяд — з верасня да пачатку снежня: кароткія ліўні праходзяць у асноўным ноччу, а днём стаіць сонечнае надвор’е. Ападкаў выпадае каля 500…600 мм у год.

Насельніцтва

Дэмаграфія

Насельніцтва вострава складае 142.180 чалавек (2010). Шчыльнасць насельніцтва 319 чалавек/км².

Мовы

Пап’ямента 81,2 % (сумесь з іспанскай, нідэрландскай, партугальскай і англійскай моў), нідэрландская 8 % (афіцыйная), іспанская 4 %, англійская 2,9 %, іншыя 3,9 % (па перапісу 2001 года).

Рэлігія

80,1 % насельніцтва належаць да Рымска-каталіцкай царквы. Пратэстанты — 5,5 %, пяцідзясятнікі — 3,5 %, адвентысты — 2,2 %, сведкі Іеговы — 1,7 %, іудаісты — 0,8 %, іншыя рэлігіі — 1,3 %, атэісты — 4,6 % (па перапісу 2001 года).