Кізільнік бліскучы

	Кізільнік бліскучы
Навуковая класіфікацыя
Дамен:	Эўкарыёты
Царства:	Расліны
Аддзел:	Кветкавыя
Клас:	Двухдольныя
Парадак:	Ружакветныя
Сямейства:	Ружавыя
Падсямейства:	Слівавыя
Трыба:	Яблыневыя
Род:	Кізільнік
Від:	Кізільнік бліскучы
Міжнародная навуковая назва
	Cotoneaster lucidus Schltdl., 1856
Сінонімы
	Cotoneaster acutifolius Lindl. ex Ledeb.; Cotoneaster acutifolius var. typicus Zabel;
ITIS	565100
EOL	630451
GRIN	t:11759
IPNI	722565-1
TPL	rjp-838

Кізі́льнік бліскучы^[1] (Cotoneaster lucidus) — від кветкавых раслін роду Кізільнік (Cotoneaster) сямейства Ружавыя (Rosaceae).

Батанічнае апісанне

Лістападны куст вышынёй да 2^[1] м з густым лісцем. Лісце чаргаванае, густое, эліпсоіднай або яйцападобнай формы, зверху бліскучае і цёмна-зялёнае, знізу — святлейшае, жаўтаватае, пурпуровае ўвосень. Кветкі пурпуровыя, па 3—8 у шчыткападобных суквеццях^[1]. Пялёсткаў — 5. Плады — бліскучыя яблыкі чорнага колеру.

Распаўсюджанне і экалогія

Распаўсюджаны ва Усходняй Сібіры і Кітаі. Святлолюбівая і ценевынослівая расліна^[2]. Мезафіт і мезатроф^[2]. Расце ў стэпах, на ўзлесках і палянах, камяністых россыпах, у парках і садах, каля дарог. Цвіце ў чэрвені—жніўні^[1]. Плады паспяваюць у жніўні—верасні^[1].

Ахоўваецца на тэрыторыі Бураціі і Іркуцкай вобласці Расіі^[2].

Зноскі

↑ ^а ^б ^в ^г ^д Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.
↑ ^а ^б ^в Кизильник блестящий: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Літаратура

Бабарэка Я. З. Кізільнік // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — С. 16—17. — 588 с., іл. — 10 000 экз.