Кізільнік чарнаплодны

	Кізільнік чарнаплодны
Навуковая класіфікацыя
Дамен:	Эўкарыёты
Царства:	Расліны
Аддзел:	Кветкавыя
Клас:	Двухдольныя
Парадак:	Ружакветныя
Сямейства:	Ружавыя
Падсямейства:	Слівавыя
Трыба:	Яблыневыя
Род:	Кізільнік
Від:	Кізільнік чарнаплодны
Міжнародная навуковая назва
	Cotoneaster melanocarpus Fisch. ex A.Blytt, 1844
Сінонімы
	Cotoneaster niger (Wahlenb.) Fr.;
Падвіды
	Cotoneaster melanocarpus var. commixtus C.K.Schneid.; Cotoneaster melanocarpus var. laxiflorus (Jacq. ex Lindl.) C.K.Schneid.;
ITIS	511485
NCBI	690322
EOL	630463
IPNI	60460300-2
TPL	rjp-15102

Кізі́льнік чарнаплодны^[1] (Cotoneaster melanocarpus) — від кветкавых раслін роду Кізільнік (Cotoneaster) сямейства Ружавыя (Rosaceae).

Батанічнае апісанне

Раскідзісты лістападны куст вышынёй да 2^[1] м. Маладыя парасткі лямцава апушаныя. Старыя галінкі голыя, бліскучыя, чырвона-бурага колеру. Лісце чаргаванае, на чаранках, простае, суцэльнае, яйцападобнай формы, з завостранай верхавінкай і гладкім краем. Зверху лісце цёмна-зялёнае, знізу — бела-лямцавае. Кветкі з пяццю пялёсткамі, ружовыя, па 5—15^[1] у рыхлых гронках. Плод — яблык чорнага колеру з шызаватым налётам і 2—4^[1] костачкамі.

Распаўсюджанне і экалогія

Расліна распаўсюджана на тэрыторыі Усходняй Еўропы, Скандынавіі, у Сібіры, Паўночна-Усходнім Кітаі, Манголіі, на Каўказе і ў Сярэдняй Азіі. Святлолюбівая, ценевынослівая расліна^[2]. Мезафіт і мезатроф^[2].

Расце ў стэпах, на горных лугах, узлесках і палянах, камяністых россыпах, у парках і садах. Цвіце ў маі^[1](у чэрвені—ліпені^[3]). Апыляецца насякомымі. Плады паспяваюць у верасні—кастрычніку^[1] (у жніўні—верасні^[3]).

Від занесены ў Чырвоную кнігу Рэспублікі Беларусь. Ахоўваецца на тэрыторыі шэрагу рэгіёнаў Расіі і Украіны, у Прыднястроўі і Эстоніі.

Гаспадарчае значэнне

Лекавая (мачагонны, жаўцягонны і вяжучы сродак)^[1] і дэкаратыўная расліна.

Зноскі

↑ ^а ^б ^в ^г ^д ^е ^ё Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.
↑ ^а ^б Кизильник черноплодный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
↑ ^а ^б Чырвоная кніга Беларусі Архівавана 8 лютага 2020. (руск.)

Літаратура

Бабарэка Я. З. Кізільнік // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — С. 16—17. — 588 с., іл. — 10 000 экз.

Спасылкі

Кизильник черноплодный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
Cotoneaster melanocarpus Fisch. ex A.Blytt // ИАС «ООПТ России» (руск.)