Лычкавіцкі сельсавет

Лычкавіцкі сельсавет
Краіна	Беларуская ССР
Уваходзіў у	Шчучынскі раён
Уключаў	21 населены пункт
Адміністрацыйны цэнтр	Лычкаўцы
Дата ўтварэння	12 кастрычніка 1940
Дата скасавання	12 сакавіка 1973

Лы́чкавіцкі сельсавет — былая адміністрацыйна-тэрытарыяльная адзінка ў складзе Шчучынскага раёна Гродзенскай вобласці. Цэнтр — вёска Лычкаўцы.

Утвораны 12 кастрычніка 1940 года як Шайбакпольскі сельсавет у складзе Васілішкаўскага раёна Баранавіцкай вобласці БССР. Цэнтр — вёска Шайбакполь. З 20 верасня 1944 года ў складзе Гродзенскай вобласці. З 20 студзеня 1960 года ў складзе Шчучынскага раёна. 25 лютага 1961 года ў склад Касцянеўскага сельсавета перададзены 7 населеных пунктаў (Ваейкаўцы, Валодкаўшчына, Верхняя Лябёдка, Вялікія Казлы, Галасавічы, Русанаўцы і Русачкі)^[1]. 20 красавіка 1962 года ў склад сельсавета з Астрынскага пассавета перададзены населеныя пункты Алянішчаўка, Вялікія Бярозаўцы, Задваране, Кульбачына, Ляйкі, Малыя Бярозаўцы, Шоркіна, цэнтр перанесены з вёскі Шайбакі ў вёску Лычкаўцы, сельсавет перайменаваны ў Лычкавіцкі^[2]. 12 сакавіка 1973 года скасаваны, тэрыторыя далучана да Галавічпольскага (вёскі Біцеўцы, Догелі, Драбушы, Збражкі, Казулішкі, Карэвічы, Лычкава, Лычкаўцы, Малыя Казлы, Прымакі, Рагелеўцы, Стадаляны, Трайгі, Трудавая, Шайбакі, Шэрмічы, Яскевічы) і Бакштаўскага (вёскі Даліняны, Малая Нявіша, Псярцы і Хадэлі) сельсаветаў^[3].

На момант скасавання ў склад сельсавета ўваходзіў 21 населены пункт.

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.