Марына Міхайлаўна Весялуха

Марына Міхайлаўна Весялуха
Марына Міхайлаўна Весялуха
Асабістыя звесткі
Дата нараджэння	15 ліпеня 1987 (37 гадоў)
Месца нараджэння	Мёры, Мёрскі раён, Віцебская вобласць, БССР, СССР;
Грамадзянства	СССР; Беларусь;
Альма-матар	Баранавіцкі дзяржаўны ўніверсітэт;
Месца працы	Цэнтр даследаванняў беларускай культуры, мовы і літаратуры НАН Беларусі; Літаратура і мастацтва; Звязда; Медицинский вестник[d];
Прафесійная дзейнасць
Род дзейнасці	літаратурная крытык, паэтка, перакладчыца
Гады творчасці	з 2000
Мова твораў	беларуская
Прэміі	Залатая Ліцера
	Медыяфайлы на Вікісховішчы

Марына Міхайлаўна Весялуха (15 ліпеня 1987, г. Мёры, Віцебская вобласць ) — беларускі літаратурны крытык, паэтка, перакладчыца^[1].

Біяграфія

У 2004 годзе скончыла з залатым медалём Міжэвіцкую сярэднюю школу (Гродзенская вобласць, Слонімскі раён). Навучалася ў Баранавіцкім дзяржаўным універсітэце на факультэце замежных моў^[2].

Скончыла аспірантуру Цэнтра даследаванняў беларускай культуры, мовы і літаратуры НАН Беларусі. З’яўляецца малодшым навуковым супрацоўнікам сектара гісторыі беларускай літаратуры Цэнтра даследаванняў беларускай культуры, мовы і літаратуры НАН. Магістр філалагічных навук у галіне літаратуразнаўства (БДПУ імя М.Танка, 2011 г.).

Рэдактар, загадчыца аддзела «Кніжны свет» у газеце «Літаратура і мастацтва» (2010—2016)^[3], рэдактар аддзела культуры ў газеце «Звязда» (2016—2017). У 2017 годзе праходзіла лячэнне ў псіхіятрычнай клініцы^[4] з дыягназам цыклатымія (псіхічны разлад, які выяўляецца ў паталагічнай змене настрою, ад поўнай апатыі да эйфарыі)^[5].

З 2017 па 2018 года працавала журналістам у газеце «Медицинский вестник (англ.) (бел.» (2017—2018). Адказны сакратар у газеце «Літаратура і мастацтва» (2018—2020).

Творчасць

Дэбютавала з вершамі ў 2008 годзе ў часопісе «Дзеяслоў»^[2]. У часопіс прынесла свае вершы падчас навучання ў БарДУ^[6].

Рэгулярна выступае з матэрыяламі пра актуаліі літпрацэсу, піша крытычныя артукулы і рэцэнзіі на кнігі, займаецца літаратурна-мастацкай творчасцю^[7].

Узнагароды

2013 год — адна з пераможцаў конкурсу маладых крытыкаў імя Адама Бабарэкі^[8].
2015 год — рэдактар аддзела «Кніжны свет» штотыднёвіка «Літаратура і мастацтва» Марына Весялуха стала ўладальніцай дыплома лаўрэата ў персанальнай намінацыі «Лепшы аглядальнік» па выніках ХІ Нацыянальнага конкурсу друкаваных СМІ «Залатая Ліцера»^[9]^[10].