Мечыслаў Браніслававіч Гой

Мечыслаў Браніслававіч Гой
Старшыня Гродзенскага гарадскога выканаўчага камітэта 11 жніўня 2014 — 30 мая 2023
Прэзідэнт	Аляксандр Лукашэнка
Папярэднік	Андрэй Худык
Пераемнік	Андрэй Хмель
Нараджэнне	14 чэрвеня 1963(1963-06-14) (62 гады) Шлавенцы, Забалацкі сельсавет, Воранаўскі раён, Гродзенская вобласць, Беларуская ССР, СССР[1][2]
Адукацыя	БДАТУ (1989) Акадэмія кіравання пры Прэзідэнце Рэспублікі Беларусь (2004)

Мечысла́ў Браніслававіч Гой (нар. 14 чэрвеня 1963(1963-06-14), Шлавенцы, Гродзенская вобласць^[1][2]) — беларускі палітычны дзеяч, старшыня Гродзенскага гарадскога выканаўчага камітэта (2014—2023).

Мечыслаў Гой нарадзіўся 14 чэрвеня 1963 года ў вёсцы Шлавенцы Воранаўскага раёна Гродзенскай вобласці^[3]. У 1989 годзе скончыў Беларускі інстытут механізацыі сельскай гаспадаркі, а затым працаваў галоўным інжынерам калгаса імя Леніна.

Займаў пасаду старшыні сельскагаспадарчага вытворчага кааператыва «Агра-правожа». У 2004 годзе атрымаў другую вышэйшую адукацыю — скончыў Акадэмію кіравання пры Прэзідэнце Рэспублікі Беларусь. У 2004 годзе быў прызначаны старшынёй Смаргонскага райвыканкама^[4]. Дэпутат Воранаўскага раённага і Забалацкага сельскага саветаў дэпутатаў^[5].

З 11 жніўня 2014 года^[6] па 30 мая 2023 года^[7] быў старшынёй Гродзенскага гарадскога выканаўчага камітэта. Пасля быў прызначаны дырэктарам Гродзенскага цэнтра стандартызацыі, метралогіі і сертыфікацыі^[8][9].

Жанаты, мае траіх дзяцей^[10].