Мікалай Антонавіч Міцкевіч

Мікалай Антонавіч Міцкевіч
Дата нараджэння	16 студзеня 1901(1901-01-16)
Месца нараджэння	Парычы, Бабруйскі павет, Мінская губерня, Расійская імперыя
Дата смерці	23 лютага 1954(1954-02-23) (53 гады)
Грамадзянства	Расійская імперыя  СССР
Адукацыя	Беларуская драматычная студыя (1926)
Прафесія	акцёр, рэжысёр
Тэатр	Нацыянальны акадэмічны драматычны тэатр імя Якуба Коласа Першае беларускае таварыства драмы і камедыі
Узнагароды
Творы ў Вікікрыніцах
Медыяфайлы на Вікісховішчы

Мікала́й Анто́навіч Міцке́віч, таксама Мікола Міцкевіч (16 студзеня 1901, Парычы, цяпер Светлагорскі раён, Гомельская вобласць — 23 лютага 1954) — беларускі рэжысёр і акцёр. Заслужаны дзеяч мастацтваў БССР (1949).

Скончыў Беларускую драматычную студыю ў Маскве (1926). У 1918—1920 гадах акцёр Першага таварыства беларускай драмы і камедыі. З 1926 года ў Беларускім тэатры імя Якуба Коласа (у 1931—1933 гадах мастацкі кіраўнік), у 1934—1941 гадах рэжысёр тэатраў ва Украіне.

Сярод роляў у БДТ-2: Адольф, («Цар Максіміліян»), Галадуха («Сон у летнюю ноч» У. Шэкспіра), фон Штубэ («Разлом» Б. Лаўранёва), Гадзіншчык («Крамлёўскія куранты» М. Пагодзіна). Стварыў яркія спектаклі па п’есах беларускіх аўтараў «Качагары» І. Гурскага (1931), «Заложнікі» А. Кучара (1944), «Пяюць жаваранкі» К. Крапівы (1950).

• Міцкевіч Мікалай Антонавіч // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 489. — 10 000 экз. — ISBN 985-11-0035-8. — ISBN 985-11-0169-9 (т. 10).
• Міцке́віч Мікалай Антонавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 499. — 800 с. — 5 000 экз. — ISBN 985-11-0026-9.

• Мікалай Міцкевіч. Ён стаяў ля самых вытокаў… (Да 115-годдзя з дня нараджэння заслужанага дзеяча мастацтваў Беларусі Мікалая Міцкевіча, аднаго з заснавальнікаў Коласаўскага тэатра)
• Николай Мицкевич // КИНО-ТЕАТР.РУ