Міхаіл Віктаравіч Ерамчук

Міхаіл Ерамчук
Міхаіл Ерамчук
Поўнае імя	Міхаіл Віктаравіч Ерамчук
Нарадзіўся	14 лістапада 1980 (44 гады); Рэчыца, Рэчыцкі раён, Гомельская вобласць, БССР, СССР;
Грамадзянства	Беларусь
Рост	180 см
Вага	76 кг
Пазіцыя	паўабаронца
Інфармацыя пра клуб
Клуб	Бухара
Пасада	старшы трэнер
Клубная кар’ера
Трэнерская кар’ера
2015	Рэчыца-2014
2016	ДБК (Гомель)
2016	Тарпеда (Магілёў)
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 3 мая 2024. ;

Міхаіл Ерамчук (нар. 14 лістапада 1980, Рэчыца) — беларускі футбаліст (паўабаронца) і трэнер. У цяперашні час працуе старшым трэнерам узбекскага клуба «Бухара».

Клубная кар’ера

Пачаў кар’еру ў рэчыцкім клубе «Ведрыч-97», дзе гуляў з перапынкам да 2004 года. Пасля паспяхова гуляў за сталічны МТЗ-РІПА і бабруйскую «Белшыну». У лютым 2012 года перайшоў у наваполацкі «Нафтан», па заканчэнні сезона 2012 пакінуў наваполацкі клуб і завяршыў кар’еру футбаліста.

Трэнерская кар’ера

У чэрвені 2013 года быў прызначаны выканаўцам абавязкаў галоўнага трэнера рэчыцкага «Ведрыча-97»^[2]. За кароткі час яго трэнерства рэчыцкі клуб падняўся з канца турнірнай табліцы ў сярэдзіну. У ліпені 2013 года, пасля прызначэння галоўным трэнерам Аляксандра Бразевіча, застаўся старшым трэнерам клуба^[3]. Пазней стаў старшынёй рэчыцкага клуба.

У сакавіку 2015 года Аляксандр Бразевіч звольніўся з клуба, у выніку Ерамчук перад стартам Першай лігі стаў галоўным трэнерам каманды^[4]. Праз праблемы з фінансаваннем «Рэчыца-2014» страціла асноўных ігракоў, і каманда хутка апынулася на апошнім месцы. У другой палове сезона гульня наладзілася, аднак рэчыцкі клуб так і не здолеў пакінуць апошні радок табліцы, а па заканчэнні сезона стала вядома аб расфарміраванні клуба.

У пачатку 2016 года згадзіўся ўзначаліць адроджаную каманду «ДБК-Гомель», якая складалася ў асноўным з былых ігракоў «Рэчыцы-2014», аднак у апошні момант клуб адмовіўся ад удзелу ў Другой лізе. 1 ліпеня 2016 года Ерамчук быў прызначаны галоўным трэнерам магілёўскага «Тарпеда»^[5], якое ўзначальваў да канца сезона 2016, пасля чаго пакінуў каманду.

З 2018 года ўваходзіў у трэнерскі штаб мінскага «Энергетыка-БДУ», пакінуў клуб у чэрвені 2021 года^[6] і далучыўся да ўзбекскага клуба «Сагдыяна». У пачатку 2024 года перабраўся ў трэнерскі штаб «Бухары» і таксама стаў трэнерам у алімпійскай зборнай Узбекістана^[7].