Новая Карма

Новая Карма
Краіна	Беларусь
Вобласць	Гомельская
Раён	Жлобінскі
Сельсавет	Папаратнянскі
Каардынаты	52°44′48″ пн. ш. 29°54′58″ у. д.HGЯO
Насельніцтва	▼21 чал. (2019);
Часавы пояс	UTC+3
Тэлефонны код	+375 2334
Аўтамабільны код	3
СААТА	3218844031

Новая Карма́^[1] (трансліт.: Novaja Karma, руск.: Новая Корма) — вёска ў Жлобінскім раёне Гомельскай вобласці. Уваходзіць у склад Папаратнянскага сельсавета.

18 кастрычніка 1967 года да вёскі далучаны пасёлак Работка^[2].

Планіровачна складаецца з прамалінейнай мерыдыянальнай вуліцы, да якой з захаду далучаюцца дзве кароткія вуліцы. Забудова драўляная, сядзібнага тыпу.

Гісторыя

Заснавана ў другой палавіне XIX стагоддзя сялянамі суседніх вёсак на землях, купленых імі ў памешчыка. Паводле перапісу 1897 года — 12 двароў, 75 жыхароў, знаходзілася ў Якімаваслабодскай воласці Рэчыцкага павета Мінскай губерні.

У 1925 годзе — 36 двароў. У 1930 годзе арганiзаваны калгас «Чырвоная ніва», працавалі вятрак і кузня. У савецка-фінляндскую вайну 1939—1940 гадоў загінулі тры вяскоўцы. У 1940 годзе — 48 двароў, 253 жыхары. У Вялікую Айчынну вайну ў лістападзе 1943 года нямецка-фашысцкія акупанты спалілі 36 двароў і загубілі 10 жыхароў. На франтах і ў партызанскай барацьбе загінулі 58 вяскоўцаў, памяць аб якіх увекавечвае скульптура воіна, пастаўленая ў цэнтры вёскі.

Паводле перапісу 1959 года — 183 жыхары. У 1976 годзе да вёскі далучана вёска Восава Буда, у 1967 годзе ў вёску перасяліліся жыхары пасёлка Работка. У складзе калгаса «Іскра» (цэнтр — вёска Папаратнае).

Знакамітыя ўраджэнцы

А. П. Шабуняеў, Герой Сацыялістычнай Працы^[3];
І. П. Дзікун, заслужаны работнік гандлю БССР^[3].

Крыніцы

↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
↑ Рашэнне выканкома Гомельскага абласнога Савета дэпутатаў працоўных ад 18 кастрычніка 1967 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1967, № 33 (1191).
↑ ^а ^б Новая Карма // Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2004. — С. 449. — 4 000 экз. — ISBN 985-11-0303-9.