Перароўскі сельсавет

Перароўскі сельсавет
Краіна	Беларусь
Уваходзіць у	Жыткавіцкі раён
Уключае	4 населеныя пункты
Адміністрацыйны цэнтр	Перароў
Дата ўтварэння	20 жніўня 1924
Дата скасавання	27 снежня 2022
Насельніцтва (2019)	458
Часавы пояс	UTC+03:00
Код аўтам. нумароў	3

Пераро́ўскі сельсавет — былая адміністрацыйна-тэрытарыяльная адзінка ў складзе Жыткавіцкага раёна Гомельскай вобласці Беларусі. Адміністрацыйны цэнтр — вёска Перароў.

Утвораны 20 жніўня 1924 года ў складзе Тураўскага раёна Мазырскай акругі БССР. Пасля скасавання акруговай сістэмы 26 ліпеня 1930 года ў Тураўскім раёне БССР. З 21 чэрвеня 1935 года ў Тураўскім раёне Мазырскай акругі, з 20 лютага 1938 года — Палескай вобласці, з 8 студзеня 1954 года — Гомельскай вобласці. Пасля скасавання Тураўскага раёна 17 красавіка 1962 года ўвайшоў у склад Жыткавіцкага раёна^[1]. На 1 студзеня 1974 года ў складзе сельсавета 4 населеныя пункты^[2]. 27 снежня 2022 года Перароўскі сельсавет скасаваны, яго тэрыторыя далучана да Азяранскага сельсавета^[3].

На момант скасавання ў склад сельсавета ўваходзілі 4 населеныя пункты: вёскі Перароў, Перароўскі Млынок, Хлупін і Хлупінская Буда.

Насельніцтва сельсавета паводле перапісу 2009 года 673 чалавекі^[4], з іх 98,5 % — беларусы, 0,9 % — рускія^[5]; паводле перапісу 2019 года — 458 чалавек^[6].

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.