Ленінскі сельсавет (Жыткавіцкі раён)

Ленінскі сельсавет
Краіна	Беларусь
Уваходзіць у	Жыткавіцкі раён
Уключае	11 населеных пунктаў
Адміністрацыйны цэнтр	Ленін
Дата ўтварэння	12 кастрычніка 1940
Насельніцтва (2019)	970
Плошча	222,7 км²
Часавы пояс	UTC+03:00
Код аўтам. нумароў	3

Ле́нінскі сельсавет — адміністрацыйна-тэрытарыяльная адзінка ў складзе Жыткавіцкага раёна Гомельскай вобласці Беларусі. Цэнтр — аграгарадок (да 2010 года — вёска) Ленін. Плошча 222,70 км²^[1].

Утвораны 12 кастрычніка 1940 года як Сцяблевіцкі сельсавет у складзе Ленінскага раёна Пінскай вобласці. Цэнтр — вёска Малыя Сцяблевічы. 9 студзеня 1952 года гарадскі пасёлак Леніна быў пераўтвораны ў вёску, яго тэрыторыя ўключана ў склад сельсавета, сельсавет перайменаваны ў Ленінскі, а цэнтр перанесены ў Леніна^[2]. З 8 студзеня 1954 года ў складзе Брэсцкай вобласці. 16 ліпеня 1954 года да сельсавета далучана тэрыторыя скасаванага Цімашэвіцкага сельсавета^[3]. Пасля скасавання Ленінскага раёна з 20 студзеня 1960 года ў складзе Жыткавіцкага раёна Гомельскай вобласці. На 1 студзеня 1974 года ў складзе сельсавета 11 населеных пунктаў^[4]. 26 сакавіка 1987 года ў склад сельсавета з Юркевіцкага сельсавета перададзены вёскі Наваленін і Сукачы, у склад Мілевіцкага сельсавета перададзены вёскі Іёвічы і Залюцічы^[5].

Насельніцтва сельсавета паводле перапісу 2009 года — 1409 чалавек^[6], з іх 97,9 % — беларусы, 1,1 % — украінцы^[7]; паводле перапісу 2019 года — 970 чалавек^[8].

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012.— 172 с.