Планкаўская чорная дзірка

Планкаўская чорная дзірка — гіпатэтычная чорная дзірка з мінімальна магчымай масай, якая роўная планкаўскай масе.

Маса — каля 10⁻⁵ г (планкаўская маса), радыус — 10⁻³⁵ м (планкаўская даўжыня). Комптанаўская даўжыня хвалі планкаўскай чорнай дзіркі па парадку велічыні роўная яе гравітацыйнаму радыусу.

Шчыльнасць рэчыва такой чорнай дзіркі складае каля 10⁹⁴ кг/м³ і, магчыма, з’яўляецца максімальнай дасягальнай шчыльнасцю масы. Фізіка на такіх маштабах павінна апісвацца пакуль не распрацаванымі тэорыямі квантавай гравітацыі.

Такі аб’ект тоесны гіпатэтычнай элементарнай часціцы з (меркавана) максімальна магчымай масай — максімону.

Магчыма, што планкаўская чорная дзірка з’яўляецца канчатковым прадуктам эвалюцыі звычайных чорных дзірак, стабільная і больш не схільная да выпраменьвання Хокінга.

• Б.-Дж. Карр, С.-Б. Гиддингс. Квантовые чёрные дыры // Scientific American. 2005, May, 48-55. / Архівавана 16 студзеня 2014.