Пётр Паўлавіч Строкач

Пётр Паўлавіч Строкач
Пётр Паўлавіч Строкач
Дата нараджэння	22 сакавіка 1937
Месца нараджэння	Матыкалы, гміна Матыкалы[d], Брэсцкі павет, Палескае ваяводства, Польская Рэспубліка;
Дата смерці	13 верасня 2017 (80 гадоў)
Месца смерці	Брэст, Брэсцкая вобласць, Беларусь;
Месца пахавання	Плоска[d];
Грамадзянства	Польская Рэспубліка; СССР; Беларусь;
Дзеці	Наталля Пятроўна Ялавая
Род дзейнасці	навуковец
Навуковая сфера	хімія і экалогія
Месца працы	БрДТУ;
Навуковая ступень	кандыдат тэхнічных навук (1973)
Навуковае званне	прафесар[d];
Альма-матар	Брэсцкі дзяржаўны ўніверсітэт імя А. С. Пушкіна (1960);
Навуковы кіраўнік	Леанід Адольфавіч Кульскі[d]
Узнагароды	Ганаровая грамата Міністэрства адукацыі Рэспублікі Беларусь
	Медыяфайлы на Вікісховішчы

Пётр Паўлавіч Стро́кач^[1] (22 сакавіка 1937 — 13 верасня 2017) — савецкі і беларускі хімік, спецыяліст у галіне інжынернай экалогіі, кандыдат тэхнічных навук (1973), прафесар (1990^[1], 1993^[2]). Член-карэспандэнт Міжнароднай акадэміі навук экалогіі і бяспекі жыццядзейнасці (1996)^[2].

Біяграфія

Нарадзіўся на хутары Матыкалы Брэсцкага павета Палескага ваяводства Польшчы (зараз у Брэсцкім раёне Брэсцкай вобласці Беларусі). У 1960 годзе скончыў Брэсцкі педагагічны інстытут па спецыяльнасці «Біялогія. Хімія». Працаваў настаўнікам хіміі і біялогіі ў школе, затым — інжынерам-хімікам у Брэсцкай абласной друкарні^[2]. У 1969 годзе паступіў у аспірантуру Кіеўскага інстытута калоіднай хіміі і хіміі вады Акадэміі навук Украінскай ССР і ў 1973 годзе пад кіраўніцтвам прафесара Л. А. Кульскага абараніў кандыдацкую дысертацыю «Исследование процесса и разработка технологии электрохимической очистки природных вод в электролизе с растворимым алюминиевым анодом»^[2].

У 1972—2015 гадах П. П. Строкач выкладаў у Брэсцкім дзяржаўным тэхнічным універсітэце. З 1979 года дацэнт, у загадчык кафедры водазабеспячэння і ачысткі прыродных водаў (1977—1980), загадчык кафедры хіміі (1990—1995), загадчык кафедры інжынернай экалогіі (1995—1999), кафедры інжынернай экалогіі і хіміі (1999—2005)^[2]. У 1985—1990 гадах рэктар Народнага ўніверсітэта аховы прыроды Брэста^[2].

Памёр Пётр Пятровіч Строкач 13 верасня 2017 года^[2]. Пахаваны ў Брэсце на гарадскіх могілках «Плоска»^[2].

Навуковая і грамадская дзейнасць

П. П. Строкачу належаць больш за 300^[2] навуковых, вучэбна-метадычных, даведачных выданняў, патэнтаў, вучэбных дапаможнікаў. Праводзіў даследаванні па тэхналогіі электрахімічнай ачысткі прыродных вод для гаспадарчых і тэхнічных мэт, распрацаваў тэхналогіі і ўстаноўкі ачысткі вады ад арганічных і завіслых рэчываў. Кіраваў навукова-тэхнічным супрацоўніцтвам з Беластоцкім політэхнічным універсітэтам (Польшча)^[2]. З’яўляўся членам рэдакцыйнай калегіі часопіса «Вестник Брестского государственного технического университета» (серыя «Водохозяйственное строительство, теплоэнергетика и геоэкология»)^[2].

Сярод апублікаваных прац:

Очистка воды электрокоагуляцией / Л. А. Кульский, П. П. Строкач, В. А. Слипченко, Е. И. Сайгак. — Киев: Будiвельник, 1978. — 109, [2] с.;
Кульский Л. А., Строкач П. П. Технология очистки природных вод. Учебник для студентов ВУЗов. 2-е изд., перераб. и доп. — К.: Вища школа, 1986. — 352 с., ил.
Практикум по технологии очистки природных вод : [Для спец. 1217 «Рацион. использ. вод. ресурсов и обезвреживание промстоков»] / П. П. Строкач, Л. А. Кульский. — Минск : Вышэйш. школа, 1980. — 319 с. : ил.; 20 см;
Методические рекомендации к разработке раздела «Охрана окружающей среды» в дипломных проектах, для студентов дневной и заочной форм обучения, Министерство образования и науки Республики Беларусь, Брестский политехнический институт, Кафедра инженерной экологии; [сост.: П. П. Строкач и др.] — Брест: БПИ, 1996. — 23, [1] с., ил., табл.;
Словарь терминов по химии и технологии воды: справочное издание / П. П. Строкач. — Брест : Брестский политехнический институт, 1997. — 277 с.
Определение категории опасности предприятий. Организация санитарно-защитных зон: метод. указ. для лаб.-практ. занятий по экологическим дисц. / сост.: П. П. Строкач, Н. П. Яловая. — Брест : БрГТУ, 2009. — 18 с.;
Азотсодержащие соединения в природных водах и пути решения проблемы денитрификации воды / Н. В. Левчук, П. П. Строкач // Вестник Брестского политехнического университета. Серия: Водохозяйственное строительство, теплоэнергетика, экология. — 2000. — № 2. — С. 70—73.;
Экология гидросферы. Учебное пособие для студентов, аспирантов и инженерно-технических работников / Строкач П. П., Яловая Н. П. — Брест: Брестский ГТУ, 2004. — 324 с., ил.;
Инженерная гидроэкология: пособие / Н. П. Яловая, П. П. Строкач, О. П. Бурко. — Брест: Изд-во БрГТУ, 2010. — 294 с. — ISBN 978-985-493-173-9.

Больш за 20 гадоў П. П. Строкач быў капітанам валейбольнай каманды выкладчыкаў Брэсцкага дзяржаўнага тэхнічнага ўніверсітэта^[2].

Узнагароды

Мзнагароджаны бронзавым медалём ВДНГ СССР, медалём «Ветеран БрГТУ» (2016), Ганаровымі граматамі Міністэрства адукацыі Рэспублікі Беларусь, Брэсцкага абласнога, Брэсцкага гарадскога і раённага выканкамаў, Брэсцкага абласнога камітэта прыродных рэсурсаў і аховы навакольнага асяроддзя, Брэсцкага тэхнічнага ўніверсітэта, граматамі прыродаахоўных і спартыўных арганізацый, прамысловых прадпрыемстваў Брэста^[2].

Зноскі

↑ ^а ^б БелЭн 2002.
↑ ^а ^б ^в ^г ^д ^е ^ё ^ж ^з ^і ^к ^л ^м Краязнаўства Берасцейшыны

Літаратура

Строкач Пётр Паўлавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 205. — 10 000 экз. — ISBN 985-11-0035-8. — ISBN 985-11-0251-2 (т. 15).