Півоня малочнакветкавая

Півоня малочнакветкавая
Агульны выгляд квітнеючай расліны
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Каменяломнікакветныя Сямейства:  Півоневыя (Paeoniaceae) Род:  Півоня Від:  Півоня малочнакветкавая
Міжнародная навуковая назва
Paeonia lactiflora Pallas
Сінонімы
Paeonia albiflora Pall. Paeonia edulis Salisb.
Сістэматыка на Віківідах Выявы на Вікісховішчы ITIS   504091 NCBI   35924 EOL   486258 GRIN   t:105031 IPNI   711802-1 TPL   kew-2560862

Півоня малочнакветкавая (Paeonia lactiflora) — від травяністых шматгадовых раслін роду півоня (Paeonia) сямейства півоневыя (Paeoniaceae).

З даўніх часоў разводзіцца ў садах і парках, дзякуючы буйным і прыгожым кветкам і сваёй трываласці.

Каранёвыя патаўшчэнні верацёнападобныя, бурыя. Сцёблы голыя, з адной ці некалькімі кветкамі, вышынёй 60-100 і больш см.

Лісце даўжынёй 20-40 см, двойчы-трайчастае, ліставыя долі чарэшчатыя або бакавыя сядзячыя, ланцэтныя або эліптычныя, большай часткай завостраныя; некаторыя прыкветныя лісты лістападобна-паасобныя або суцэльныя.

Кветкі дыяметрам 8-16 см; пялёсткаў 5-10, белых, ружовых, бардовых або рэдка чырвоных; тычынкі залаціста-жоўтыя;

Плодзікаў 3-6, спачатку прамых, затым кручкавата-адхіленых. Насенне авальнае, чорнае.

Цвіценне ў маі — чэрвені. Плоданашэнне ў верасні.

Лісце, унутраная частка кветкі і насенне.

У прыродзе арэал віду ахоплівае Манголію, Кітай, Карэю і Японію. У Расіі сустракаецца ў Чыцінскай вобласці, на Далёкім Усходзе — на Амуры, у Прымор'і^[1].

Культывуецца (у Расіі) ад шыраты Архангельска і далей на поўдзень.

Расце па сухіх, адкрытых, камяністых схілах, далінах, берагах рэк, сярод хмызнякоў.

Півоня малочнакветкавая шырока вырошчваецца як дэкаратыўная расліна ў садах, створана некалькі сотняў сартоў, многія сарты маюць падвойныя кветкі з тычынкамі, мадыфікаванымі ў дадатковыя пялёсткі. Упершыню інтрадуцыраваны ў Англіі ў сярэдзіне 1700-х гадоў, і гэты від стаў прабацькам большасці сучасных садовых півонь. Ён быў вядомы як Paeonia albiflora доўгія гады і быў першай белай півоняй, інтрадуцыраванай у Еўропе.

У Кітаі як дэкаратыўная расліна ён шануецца менш, чым Paeonia rockii і яе гібрыд Paeonia suffruticosa.

Дадзеная расліна выкарыстоўваецца ў якасці лекавай у традыцыйнай кітайскай медыцыне і японскай медыцыне. Дзеючае рэчыва піёніфларын. Прэпараты кораня выкарыстоўваюцца для зніжэння тэмпературы і болю, для прыпынку крывацёкаў, для прафілактыкі дэменцыі.

Сарты з рознай афарбоўкай кветкі

Від Півоня малочнакветкавая ўваходзіць у род Півоня (Paeonia) манатыпнага сямейства півоневыя (Paeoniaceae) парадку каменяломнікакветныя (Saxifragales).

• Род 507. Пион — Paeonia // Флора СССР. В 30-ти томах / Главный редактор акад. В. Л. Комаров; Редактор тома Б. К. Шишкин. — М.—Л.: Издательство Академии Наук СССР, 1937. — Т. VII. — С. 25—26. — 792 + XXVI с. — 5 200 экз.