Расціслаў Уладзіміравіч Шавель

Расціслаў Шавель
Расціслаў Шавель
Поўнае імя	Расціслаў Уладзіміравіч Шавель
Нарадзіўся	2 красавіка 2001 (24 гады); Мінск, Беларусь;
Грамадзянства	Беларусь
Рост	182 см
Вага	62 кг
Пазіцыя	нападнік
Клубная кар’ера
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 30 ліпеня 2024. ;

Расціслаў Шавель (нар. 2 красавіка 2001, Мінск) — беларускі футбаліст, нападнік, палітычны зняволены.

Біяграфія

Клубная кар’ера

У 2017 годзе пачаў выступаць за дубль «Гарадзеі». У пачатку 2020 года стаў прыцягвацца да асноўнай каманды. Дэбютаваў у Вышэйшай лізе 25 красавіка 2020 года ў матчы супраць БАТЭ (0:2), калі выйшаў на замену ў другім тайме. У далейшым працягваў гуляць за дубль, зрэдку прыцягваўся да асноўнага складу. У снежні 2020 года пакінуў клуб.

У пачатку 2022 года далучыўся да клуба «Фалько» з Чаркасаў (Дзяржынскі раён), дзе гуляў да канца сезона.

Палітычны пераслед

У жніўні 2020 года быў арыштаваны на 8 содняў; 1 лістапада 2020 года Шавель быў зноў затрыманы за ўдзел у маршы і арыштаваны на 15 содняў^[1]^[2]. У той жа дзень на яго завялі крымінальную справу паводле арт. 342 КК (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх)^[2].

17 мая 2021 года быў зноўку затрыманы людзьмі ў цывільным і асуджаны на 15 сутак за «непадпарадкаванне» супрацоўнікам міліцыі^[2]. Пасля адбыцця тэрміну яго арыштавалі яшчэ на трое содняў, а 4 чэрвеня зняволілі ў СІЗА-1 Мінска^[2]. 8 чэрвеня 2021 года сумеснай заявай дзевяці арганізацый, сярод якіх Праваабарончы цэнтр «Вясна», Беларускі Хельсінскі камітэт, Беларускі ПЕН-цэнтр, Прававая ініцыятыва, Шавель быў прызнаны палітычным зняволеным^[3]^[4].