Руслан Мікалаевіч Вягера

Руслан Мікалаевіч Вягера
Руслан Мікалаевіч Вягера
Нараджэнне	21 мая 1980 (45 гадоў); Ельск, Ельскі раён, Гомельская вобласць, БССР, СССР;
Партыя	Белая Русь;
Член у	Белая Русь;
Адукацыя	БДАТУ; Акадэмія кіравання пры Прэзідэнце Рэспублікі Беларусь;
Месца працы	Буда-Кашалёўскі дзяржаўны аграрна-тэхнічны каледж; Гомельэнерга[d];

Руслан Мікалаевіч Вягера (нар. 21 мая 1980, г. Ельск, Гомельская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь VIII склікання.

Біяграфія

Нарадзіўся 21 мая 1980 года ў г. Ельску Гомельскай вобласці^[1].

Скончыў Беларускі дзяржаўны аграрны тэхнічны ўніверсітэт па спецыяльнасці «Электрыфікацыя і аўтаматызацыя сельскай гаспадаркі»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне і эканоміка»^[1].

Працаваў выкладчыкам спецыяльных электратэхнічных дысцыплін Буда-Кашалёўскага дзяржаўнага аграрна-тэхнічнага каледжа; інжынерам па тэхніцы бяспекі, вядучым інжынерам вытворча-тэхнічнага аддзела, намеснікам галоўнага інжынера, галоўным інжынерам філіяла «Энергазбыт» РУП «Гомельэнерга»; намеснікам генеральнага дырэктара па збыце энергіі РУП «Гомельэнерга»^[1].

Член рэспубліканскага грамадскага аб’яднання «Белая Русь» і Беларускай партыі «Белая Русь»^[1].

Мае ганаровае званне дзяржаўнага вытворчага аб’яднання электраэнергетыкі «Белэнерга» «Выдатнік Беларускай энергасістэмы»^[1].

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Буда-Кашалёўскай акругі № 38. Член Пастаяннай камісіі па эканамічнай палітыцы^[1].