Свята-Мікалаеўская царква (Верхалессе)

Свята-Мікалаеўская царква
	Праваслаўны храм
Свята-Мікалаеўская царква
	52°04′49″ пн. ш. 24°18′03″ у. д.HGЯO
Краіна	Беларусь
Вёска	Верхалессе
Канфесія	Праваслаўе
Епархія	Брэсцкая і Кобрынская
Благачынне	Кобрынскае
Архітэктурны стыль	рэтраспектыўна-рускі
Архітэктар	Пётр Іванавіч Залатароў
Будаўніцтва	1882—1888 гады
Статус	Гісторыка-культурная каштоўнасць Беларусі, шыфр 113Г000417шыфр 113Г000417
Стан	дзейнічае
Глобус Беларусі	globustut.by/verholese/i…
	Медыяфайлы на Вікісховішчы

Царква Святога Мікалая — праваслаўны храм у вёсцы Верхалессе Кобрынскага рёана Брэсцкай вобласці.

Гісторыя

Пабудавана ў 1882—1888 гадах на месцы драўлянага храма, які згарэў 3 красавіка 1881 года. У аснову будынка архітэктар Пётр Залатароў паклаў нармальны чарцёж № 22.

9 жніўня 2020 года ў царкве адбыўся пажар. У выніку былі пашкоджаны дах на плошчы 30 квадратных метраў і купал. Абыйшлося без пацярпелых. Прычына пажару высвятляецца^[1].

Архітэктура

Помнік сінадальнага кірунку рэтраспектыўна-рускага стылю з рысамі класіцызму. Вырашана трохчасткавай аб’ёмна-прасторавай кампазіцыяй, складзенай з асноўнага аб’ёму, прамавугольнай апсіды і васьміграннай шатровай званіцы над прытворам. У сілуэце храма пануюць цыбулепадобны купал на васьмігранным барабане ў цэнтры крыжовага шатровага даху і макаўка званіцы. Вертыкальна ашаляваныя фасады апяразаны карнізам простага профілю з дзвюхграннымі заломамі на бакавых фасадах, прарэзаны прамавугольнымі аконнымі праёмамі з сандрыкамі. Тры ўваходы аформлены 2-слуповымі ганкамі пад 2-схільнымі пакрыццямі. Залатаровым быў выкананы і 2-ярусны іканастас у «рускім стылі».

Зноскі

↑ Церковь XIX века горела в Кобринском районе (руск.). БелТА (10 жніўня 2020). Праверана 11 жніўня 2020.

Літаратура

Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1984. — Брэсцкая вобласць. — 368 с., іл. — С. 254
Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.