Святлана Рыгораўна Гарбунова

Святлана Рыгораўна Гарбунова
Дата нараджэння	9 ліпеня 1954(1954-07-09) (70 гадоў)
Месца нараджэння	Мінск, БССР, СССР
Род дзейнасці	скульптарка
Жанр	манументальная скульптура, станковая скульптура і мемарыяльная скульптура[d]
Вучоба	Гімназія-каледж мастацтваў імя І. В. Ахрэмчыка (1972) Беларускі дзяржаўны тэатральна-мастацкі інстытут (1978)
Прэміі	Прэмія Ленінскага камсамола Беларусі (1984)
Узнагароды

Святлана Рыгораўна Гарбунова (нар. 9 ліпеня 1954, г. Мінск) — беларускі скульптар.

Скончыла ў 1972 годзе Рэспубліканскую школу-інтэрнат па музыцы і выяўленчым мастацтве, у 1978 годзе — Беларускі тэатральна-мастацкі інстытут. Удзельніца выставак з 1975 года.

Працуе ў манументальнай, станковай і мемарыяльнай скульптуры з бронзы і граніту.

Сярод твораў: мемарыяльны комплекс на месцы спаленай вёскі Літавец (Дзяржынскі раён), помнік С. Буднаму (у суаўтарстве, г. Нясвіж), бюсты двойчы Герояў Савецкага Саюза У. Бядулі (у суаўт., г. Камянец), А. Дубко (в. Верцялішкі Гродзенскага раёна), кампазіцыя «Мастак і горад. М. Шагал» (Мінск), партрэты, мемарыяльныя дошкі, медалі.

Творы знаходзяцца ў Нацыянальным мастацкім музеі, Музеі сучаснага выяўленчага мастацтва, Магілёўскім абласным мастацкім музеі імя П. Масленікава і інш.

Лаўрэат прэміі Ленінскага камсамола Беларусі (1984) за «высокае прафесійнае майстэрства, стварэнне твораў у галіне станковай і манументальнай скульптуры — „Рабфак“, „Слова камуніста“, мемарыяльныя дошкі Герою Савецкага Саюза М. П. Чэпіку, помнік С. Буднаму»^[1], узнагароджана медалём Ф. Скарыны (1995).

• Гарбунова Святлана Рыгораўна