Спаса-Праабражэнская царква (Дзмітровічы)

Праваслаўны храм
Спаса-Праабражэнская царква
52°29′29″ пн. ш. 23°46′40″ у. д.HGЯO
Краіна	Беларусь
Аграгарадок	Дзмітровічы
Канфесія	Беларуская праваслаўная царква
Епархія	Брэсцкая і Кобрынская епархія
Архітэктурны стыль	Народнае дойлідства Беларусі
Дата пабудовы	1786 год
Статус	Гісторыка-культурная каштоўнасць Беларусі, шыфр 112Г000347шыфр 112Г000347
Глобус Беларусі	globustut.by/dmitrovich/…
Медыяфайлы на Вікісховішчы

Спаса—Праабражэнская царква — праваслаўны храм у в. Дзмітровічы Камянецкага раёна Брэсцкай вобласці. Узведзена ў 1786 годзе. Помнік народнага дойлідства.

У цэнтры вёскі, на невялікім пагорку. Пабудавана ў 1786 г. з дрэва^[1]. Перад царквой пастаўлена чацверыковая каркасная званіца пад шатровым гонтавым дахам.

Помнік народнага дойлідства. Вырашана прамавугольным зрубам, да якога з франтальнага фасада далучаецца прыруб нізкага прытвора, пастаўлены на бутавым падмурку. Галоўны фасад завершаны франтонам, тымпан якога прарэзаны 2 ромбападобнымі люкарнамі. Вільчык двухсхільнага гонтавага даху з вальмай над алтарнай часткай па цэнтры завершаны васьмігранным барабанам з цыбулепадобнай галоўкай. Вертыкальна ашаляваныя сцены прарэзаны прамавугольнымі аконнымі праёмамі з брусамі-сцяжкамі ў прасценках. Па перыметры храм апяразаны прафіляваным карнізам.

Каля царквы чацверыковая каркасная званіца.

Ва ўнутранай прасторы апсіду вылучае выкананы ў 1830-я гг. драўляны разны невысокі іканастас, пры ўваходзе на 2 слупах выступаюць хоры з бакавой 2-маршавай лесвіцай. Два абразы: «Маці Божая Адзігітрыя» — 18 ст. ў металічным абкладзе і 1816 г. ў драўляным з чаканкай разным абкладзе.

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.
• Дзяржаўны спіс гісторыка-культурных каштоўнасцей Рэспублікі Беларусь: [Даведнік] / склад. В. Я. Абламскі, І. М. Чарняўскі, Ю. А. Барысюк. — Мн.: БЕЛТА, 2009. — 684 с. — 1 000 экз. — ISBN 978-985-6828-35-8.
• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 112Г000347

	Спаса-Праабражэнская царква (Дзмітровічы) на Вікісховішчы

• Спаса-Праабражэнская царква (Дзмітровічы) на сайце Radzima.org
• Спаса-Праабражэнская царква (Дзмітровічы) на сайце Глобус Беларусі (руск.)
• Спаса-Праабражэнская царква (Дзмітровічы) на сайце «Архіварта»