Спаса-Ушэсцеўская царква (Капыль)

Праваслаўны храм
Спаса-Ушэсцеўская царква
53°15′03″ пн. ш. 27°09′01″ у. д.HGЯO
Краіна	Беларусь
Горад	Капыль
Канфесія	Праваслаўе
Епархія	Слуцкая епархія
Будаўніцтва	1866
Глобус Беларусі	globustut.by/kopyl/index…
Медыяфайлы на Вікісховішчы

Спаса-Ушэсцеўская царква — праваслаўны храм у горадзе Капылі Мінскай вобласці.

Пабудавана ў 1866 годзе з бутавага каменю і цэглы на ўрадавыя сродкі (14 тыс. рублёў). У савецкі час выкарыстоўвалася пад музей.

Помнік архітэктуры эклектыкі. Вырашана цэнтрычным крыжовым аб’ёмам, сярод аднолькавых крылаў якога вылучаецца трохгранная апсіда. У сілуэце дамінуе цэнтральны васьмігранны аб’ём. На фоне паліхромнай бутавай муроўкі фасадаў вылучаюцца атынкаваныя і пабеленыя элементы дэкору: вуглавыя лапаткі, парталы 3 лучковых уваходаў, ліштвы арачных аконных праёмаў. Над парталам галоўнага ўвахода стральчатая гатычная арка.

У інтэр’еры ў цэнтральную залу шырокімі арачнымі прасветамі адкрываюцца прытвор, бакавыя прыдзелы і акруглая, перакрытая конхай апсіда.

• Уладзімір Іларыёнавіч Пастэрнацкі (1932—1933)

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

• На Вікісховішчы ёсць медыяфайлы па тэме Спаса-Ушэсцеўская царква (Капыль)
• Спаса-Ушэсцеўская царква (Капыль) на сайце Праваслаўная архітэктура Беларусі (бел.)
• Спаса-Ушэсцеўская царква (Капыль) на сайце Radzima.org
• Спаса-Ушэсцеўская царква (Капыль) на сайце Глобус Беларусі (руск.)